web counter
LEXO PA REKLAMA!

SHKARKO APP

App Store
Google Play

E fundit!

x

Pas takimit me Krajën/ Murrizi mesazh për Yuri Kim, disa pyetje për kreun e SPAK

3 Nëntor 2022, 20:04, Aktualitet CNA
Pas takimit me Krajën/ Murrizi mesazh për Yuri Kim, disa pyetje
Ish-deputeti Myslim Murrizi

Ish-deputeti Myslim Murrizi ka reaguar në lidhje me takimin që ka zhvilluar ditën e sotme ambasadorja amerikane në Tiranë, Yuri Kim me kreun e SPAK, Arben Kraja.

Me anë të një statusi në rrjetet sociale, Murrizi e cilëson Krajën si enverist, ndërsa i bën thirrje ambasadores ta pyesë kreun e SPAK për vilën që ka blerë në Lalëz dhe se përse nuk arreston njerëzit e pushtetshëm.

Shkrimi i plotë:

Hahahaha është kthyer godina e SPAK-ut në kafe mëngjesi.

E Nderuar Zj Kim!

Të ishe lutur në kishe ose në xhami që t’i hiqte Zoti qafe pushtetarët dhe ish-pushtetarët hajdutë të Shqipërisë, kaq herë sa keni shkuar tek zyra e një enveristi që ka drejtuar SPAK-un prej 3 vitesh, besoj që gjysmën e hajdutëve do ta kishte çuar Zoti në botën tjetër.

Nuk e di pse gjithë ky “harxhim” kohë dhe pse kaq kosto nafte varavingo për të takuar një nesuno që nuk guxon tu përmend as emrin atyre që ju ndoshta i mendoni se duhet të ishin nën akuzë.

Po si mundet një ish hetues i komunizmit, një ish-kandidat për deputet i rinisë komuniste në zgjedhjet e para pluraliste, një ish-jurist i policisë financiare të viteve 1991-1995, një ish-funksionar i KLSH i zgjedhur nga PS në vitet 1997-2000, një servil dhe shërbëtor në 35 vite i të gjithë pushteteve dhe pushtetarëve, mund të ketë kurajo, pavarësi, dinjitet që mund të marrë nën akuzë cilindo prej atyre që e kanë patur vartës dhe e kanë trajtuar si argat???

Meqënëse ju Zj. Kim jeni shumë e ngarkuar, dërgo dikë nga stafi në një librari dhe miqësisht ta rekomandoj të blesh dhe të lexosh librin “Dhjetor 90”, e do të shohësh se çfarë mostrash qeverisin Shqipërinë dhe kujt plehrash ja keni besuar drejtësinë.

Në këto ditë që i kanë ngelur enveristit Kraja deri më datë 19 dhjetor, ishallah përpiqet të gjejë hajdutët që i vodhën shtëpinë, se gjë tjetër mund të gjejë vetëm qenin e ngordhur të të madhit Kadri Roshi.

A e keni vënë re që edhe mediat apo port-halet gjoja opozitare nuk thonë asnjë fjalë për komunistin Kraja???

Se pushteti jo e jo…

A keni vënë re që kur raportoi në korrik 2022 në Kuvend askush nuk ja nxori mashtrimin që ka bërë në CV, njëlloj si ish-anëtari i KPA, Luan Daci që u dënua duke mos deklaruar që ka qenë kandidat për deputet i rinisë komuniste?

Kur ta takoni përsëri para datës 19 dhjetor pyete se ku i ka gjetur eurot që ka blerë vilë në Lalëzin e famshëm të hajdutëve të pushtetit.

Po pse burrë besë prerë është ai që të hetojë komshinjt e tij në Lalëz???

Po ja bën zemra Krajës të marrë të pandehur miqtë dhe shokët e tij tek rezidencat pas TEG-ut, tek Kodra e Diellit, në Palasë???

Pa le më që ta mendoj të hetojë vilën mbi 3 milion euro të Surrelit të bërë nga bashkëshortja e një emigranti që sot është kryeministër ose dasmën e kryetarit të bashkisë së Tiranës të bërë me kursimet e mamit!!!

Se për 430 milion euro të inceneratorëve për 700 milion euro tendera rilindje urbane, për 800 milion euro tendera ujësjellës-kanalizime, për 200 milion euro tendera të akshit për sistemin iranian të e-albania-s, për 700 mijë euro në ditë të dy anijeve nga Bangladeshi, për 230 tendera “sekret” gjatë pandemisë, për mbi 2 miliardë euro PPP i ka vënë përpara ky duke hetuar autokombanjer Bektashin dhe Prof. Dr. Edvin Priftin./ B.A. – CNA.al





Lajmet e fundit nga