web counter
LEXO PA REKLAMA!

SHKARKO APP

App Store
Google Play

Paralajmërimi për Veliajn: Vishu me antiplumb e pancir, prej zverku do dalësh nga zyra

23 Korrik 2024, 21:29, Aktualitet CNA
Paralajmërimi për Veliajn: Vishu me antiplumb e pancir, prej zverku do
Kryebashkiaku Erion Veliaj

Kreu i PD-së Sali Berisha u ka bërë thirrje të gjithë qytetarëve që të bashkohen në protestën e ditës së enjte para Bashkisë së Tiranës në orën 11:00.

Ai ka paralajmëruar kreun e Bashkisë Erion Veliaj se mund të vishet me antiplumb e pancir, por prej zverku dhe i shpërfytyruar do dalë nga zyra e Bashkisë.

“Zinxhiri i vjedhjeve, mashtrimeve të tyre nuk ka fund.Amnistimi, mbrojtja e tyre nga organizata kriminale e Skrapit të partisë është bërë tashmë e njohur për çdo qytetar.Në këto rrethana, ju jeni shpresa e vetme e këtij vendi.Në këto rrethana, zemërimi qytetar është arma e vetme e shpëtimit.Revolta qytetare është rruga e vetme e fitores.

Ndaj dhe ditën e enjte në ora 11:00, të gjithë tek bashkia dhe le t’i themi Erion Veliajt, vishu me antiplumb dhe pancir, prej zverku do dalësh nga ajo zyrë hajdut i shpërfytyruar.Dhe nuk ka njeri që të mbron.Mos tento të krijosh sherre në zyrë se nuk del dot prej saj.Ndaj dhe miqtë e mi, të vazhdojmë këtë betejë.

Këtë betejë për të shpëtuar qytetarët shqiptarë të rraskapitur nga varfëria, të trembur nga dhuna dhe terrori i qeverisë dhe narkoshtetit.Të pashpresë nga zbrazja masive e Shqipërisë dhe shqiptarëve.Ju jeni shpresa e fundit e këtij vendi.

Ndaj dhe të gjithë së bashku në betejë për qeveri teknike.Të gjithë së bashku në betejë për zgjedhje të lira.Fitoren e opozitës, shpëtimin e Shqipërisë.Rrofshi ju, rroftë Shqipëria.Fitore, fitore, fitore!”, tha Berisha./ CNA





Lajmet e fundit nga