E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

“Paradoksi i regjimeve autoritare”/ Leksioni i profesor Stephen Kotkin, nga sonte në CNA TV

17 Nëntor 2025, 17:50, Aktualitet CNA

CNA TV ka marrë të drejtat ekskluzive nga profesori dhe studiuesi i njohur i historisë dhe gjeopolitikës, Stephen Kotkin, për të transmetuar leksionet e tij akademike. Kjo përbën një ndër rastet e para në Shqipëri ku një media transmeton një ligjëratë universitare të këtij niveli.

CNA do të publikojë në vijim referatin me temën “Paradox of Authoritarian Regimes”, “Paradoksi i Regjimeve Autoritare”, një ligjëratë e mbajtur nga Kotkin më 18 shtator 2012, në Dartmouth College. Aktiviteti u zhvillua në auditorin e universitetit dhe mblodhi studentë, akademikë dhe të interesuar për çështjet ndërkombëtare.

Në këtë prezantim, Kotkin shpjegon paradokset themelore të regjimeve autoritare, sisteme politike që duken të forta në pamje të parë, por që në thelb janë të mbushura me dobësi strukturore dhe kundërthënie të brendshme.

CNA do të nisë publikimin sonte në orën 20:30 me pjesën e parë të leksionit, ku trajtohen:

1. Paradoksi i Diktaturës: Fuqi absolute, brishtësi e përhershme

2. Dhuna dhe Paratë: Dy shtyllat themelore të kontrollit autoritar

Në vijim do të publikohen edhe pjesët e tjera, të cilat përfshijnë:

3. Kontrollin e masave dhe propagandën

4. Paradoksin e suksesit në regjimet autoritare

5. Problemin e pasardhësit

6. Sfidat pas diktaturë

7. Sesionin e pyetjeve dhe përgjigjeve

Stephen Kotkin është aktualisht profesor në Freeman Spogli Institute (FSI) të Universitetit Stanford dhe në Hoover Institution. Ai është i lidhur me disa qendra kërkimore si APARC, CDDRL dhe The Europe Center.

Me doktoraturë nga UC Berkeley dhe mbi tri dekada kërkim në Hoover Archives, Kotkin është një nga analistët më të spikatur të autoritarizmit dhe gjeopolitikës bashkëkohore. Ai ka kontribuar gjithashtu si recensues dhe eseist në platforma prestigjioze si New York Times, Foreign Affairs, Times Literary Supplement dhe Wall Street Journal./ CNA