web counter
LEXO PA REKLAMA!

SHKARKO APP

App Store
Google Play

E fundit!

x

Reshje intensive në disa qarqe/ Ministria e Mbrojtjes: Qytetarët të shmangin lëvizjet në zonat me rrezik

17 Nëntor 2025, 16:28, Aktualitet CNA

Reshje intensive në disa qarqe/ Ministria e Mbrojtjes: Qytetarët

Në datat 17 dhe 18 nëntor, Shqipëria do të përfshihet nga reshje të dendura shiu, të cilat mund të shtojnë rrezikun për përmbytje, bazuar edhe në parashikimin e bërë nga Instituti i Gjeoshkencave.

Sot dhe nesër priten reshje intensive deri shumë intensive në qarqet Shkodër, Kukës, Vlorë dhe Gjirokastër, ndërsa reshje intensive në Lezhë dhe mesatare deri intensive në Dibër, Durrës dhe Tiranë. Shtrëngatat mund të shkaktojnë vërshime të shpejta, rrëshqitje dherash dhe përmbytje të lokalizuara urbane.

Prurjet në lumenjtë kryesorë, përfshirë Drin-Buna, Mat, Ishëm, Erzen, Shkumbin dhe Vjosë, pritet të rriten ndjeshëm në ditët në vijim.

Ministria e Mbrojtjes dhe Agjencia Kombëtare e Mbrojtjes Civile u kanë kërkuar bashkive dhe strukturave vendore të marrin masa urgjente:

- Njoftimin e popullsisë, blegtorëve dhe bizneseve të rrezikuara;

- Kontroll dhe zhbllokim të kanalizimeve dhe pusetave;

- Të vendosin në gatishmëri hidrovorët, sistemet e ujësjellës-kanalizimeve dhe furnizimin me energji;

- Të monitorojnë vazhdimisht nivelet e ujit dhe, kur të jetë e nevojshme, të organizojnë evakuim preventiv.

Ministria apelon qytetarët të tregojnë kujdes, të shmangin lëvizjet në zonat me rrezik dhe të ndjekin udhëzimet e autoriteteve./CNA





Lajmet e fundit nga