web counter
LEXO PA REKLAMA!

SHKARKO APP

App Store
Google Play

E fundit!

x

Pamje ekskluzive/ Momenti kur kryekomisari Stiljan Pasho favorizon kalimin e mjeteve me drogë në doganë

3 Dhjetor 2023, 12:13, Aktualitet CNA

Pamje ekskluzive/ Momenti kur kryekomisari Stiljan Pasho favorizon kalimin e

CNA ka siguruar dy video nga dy ngjarje me pamje ekskluzive nga momentet kur kryekomisari Stiljan Pasho favorizon kalimin pa radhë të mjetit të Lorenco Likës, i cili  transportonte lëndë narkotike drejt Greqisê.

Në pamjet e siguruara nga CNA, shihet qartë në veprimet e Pashos, momenti kur ai përpiqet duke lëvizur dorën dhe duke i bërë me shenjë të kalojë mjeti.

Janë dy raste të ndryshme kur Pasho ka favorizuar kalimin e mjeteve pa kontroll në doganë. Rasti i parë është regjistruar në datën 19 nëntor.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Rasti i dytë është në datën 27 nëntor dhe sërish kryekomisari favorizon mjetin të kalojë pa kontroll.

Në të dyja videot, ai nuk lejon asnjë nga punonjësit e policisë së doganës që të afrohen për të kontrolluar makinën, duke i urdhëruar nëpërmjet shenjave që të largohen.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

CNA ka raportuar më parë se si Pasho favorizoi mjetin me drogë të Lorenco Likës.

Videot e publikuar sot konfirmojnë se ish-Shefi i Sektorit të Kufirit në Korçë nuk ka favorizuar vetëm një herë kalimin e mjetit me drogë, por ka pasur edhe raste të tjera kur ka përfituar nga pozita që kishte dhe nuk ka lejuar kontrollet e mjeteve në doganën e Kapshticës.

Kujtojmë se Stiljan Pasho u arrrestua më 30 nëntor nën akuzën për trafikim të lëndëve narkotike.

Pasho ndihmoi Lorenco Likën të transportonte drogë drejt Greqisë pa iu nënshtruar kontrollit kufitar në automjetin e tij.

Ai ka urdhëruar edhe vartësit e tij që të mos ushtrojnë kontroll dhe pasi kanë hyrë në tokën greke, shefi i policisë kufitare është larguar nga mjeti.

Në makinën që drejtohej nga Lorenco Lika u gjetën nga policia e shtetit fqinj 26 kilogramë me kanabis të papërpunuar.

Një ditë pas arrestimit, më 1 dhjetor, Policia e Shtetit përjashtoi Stiljan Pashon nga strukturat e saj./ CNA





Lajmet e fundit nga