web counter
LEXO PA REKLAMA!

SHKARKO APP

App Store
Google Play

Pak orë nga nisja e protestës/ Boçi, për mënyrën e zhvillimit: Mund të ketë akte të papara

8 Maj 2026, 16:12, Aktualitet CNA

Pak orë nga nisja e protestës/ Boçi, për mënyrën

Nënkryetari i PD-së, Luçiano Boçi, ka folur lidhur me protestën kombëtare të PD-së që pritet të nisë për pak orë.

Në një lidhje me "Syri TV", i pyetur për mënyrën se si do të zhvillohet protesta, Boçi u shpreh se më e rëndësishme është, sipas tij, vazhdimësia e saj dhe pjesëmarrja qytetare. 

Ndër të tjera, shtoi se mund të ketë më shumë marshim sesa folës dhe se mund të ketë akte të papara apo të painterpretuara më parë.

"Vërtet ne kemi dashur dhe vazhdimisht jemi edhe ne para atij 'presioni' që të kemi edhe ne një lloj kreativiteti në mënyrën si e performojmë dhe si e interpretojmë protestën e radhës. Por më e rëndësishme se kjo, unë mendoj që është vazhdimësia, është qëndrueshmëria, është mosdorëzimi i qytetarëve dhe i demokratëve, të cilët vazhdimisht kanë qenë dhe vazhdimisht u kërkohet të jenë prezentë në shesh kur ta shprehin këtë zemërim dhe revoltë. Pastaj mënyra se si shprehet kjo revoltë, patjetër që ka një lloj organizimi, mund të jetë më shumë marshim sesa të ketë folës, mund të ketë akte, shprehje, revoltë konkrete, sikurse mund të ketë dhe akte të papara apo të painterpretuara më parë. Dhe këto janë elementë dytësorë që shoqërojnë në fakt zhvillimin e një proteste dhe ajo që është kryesore, patjetër që është pjesëmarrja qytetare, prandaj dhe thirrjet nuk kanë munguar, organizimet nuk kanë munguar dhe qëndrueshmëria në kohën e protestës", u shpreh Boçi. /CNA





Lajmet e fundit nga