web counter
LEXO PA REKLAMA!

SHKARKO APP

App Store
Google Play

E fundit!

x

“Një herë në 3-4 netë kërciste pistoleta në Bllok”/ “Bastet” përplasin Mentor Kikian me Fidel Yllin

7 Shtator 2022, 22:19, Aktualitet CNA
“Një herë në 3-4 netë kërciste pistoleta në
Mentor Kikia e Fidel Ylli

Në emisionin “Open” po diskutohet në lidhje me vendimin e paralajmëruar nga qeveria për rikthimin e basteve.

Gazetari Mentor Kikia u shpreh se pritet që krimi ekonomik të kontrollojë bastet online, ndërkohë që një gjë të tillë nuk arriti dot ta bënte kur bastet viheshin në lokale fizike.

Ai tha se në Shqipëri po ndërtohen pallate shumëkatëshe në mes të kryeqytetit dhe nuk po ndërmerret asnjë hap.

Ndërsa President i Komiteti Olimpik Kombëtar Shqiptar, Fidel Ylli, u shpreh se bastet u mbyllën pasi dolën nga kontrolli, por se kontrollin tashmë e kryen sistemi, i cili minimumi nuk do të pranojë persona nën 18 vjeç.

“Nëse dikush shpenzon shuma të mëdha krimi ekonomik do të gjurmojë personin për të kuptuar nëse paratë janë të ndershme. Ne po kthehemi pas kur bastet u mbyllën sepse kishin dalë jashtë kontrollit në lokale fizike. Kur kishin dalë në lokale që identifikohen, si do të identifikohen e kontrollohen tani? Po flasim që krimi ekonomik të gjurmojë një person me rrogë 500 euro dhe vë bast 10 mijë euro. Këtu po ndërton tjetri pallat 15-katësh në mes të Tiranës e nuk po ndiqet.

Lokalet e basteve që mbushnin Shqipërinë ishin problem i madh social. Këta që linin 5 mijë lekshin e bukës te lokali do ta lënë këtu. Se në kazinonë e madhe do të shkojë bosi që lë mijëra euro. Problemi nuk zgjidhej me masë drastike. Ne nuk ndalonim dot trafikun e drogës ndaluan skafet, nuk ndalojmë dot lokalet e basteve i mbyllim të gjitha.

Një herë në 3-4 netë kërciste pistoleta në Bllok nga ata që kontrollonin bastet”, tha Kikia./CNA.al





Lajmet e fundit nga