web counter
LEXO PA REKLAMA!

SHKARKO APP

App Store
Google Play

Ngjela kundër Trump-it: Nuk ia del dot me BE-në, por të shohim

12 Janar 2026, 13:20, Aktualitet CNA

Ngjela kundër Trump-it: Nuk ia del dot me BE-në, por të shohim

Avokati Spartak Ngjela ka ndarë një qëndrim lidhur me kontradiktat aktuale SHBA-BE për daljen e Europës si një superfuqi e tretë ushtarake.

Përmes një postimi në rrjetet sociale, Ngjela shprehet kundër qëndrimit të presidentit amerikan Donald Trump, që e konsideron si një mik të vjetër të Rusisë dhe njohës jo të mirë të historisë së Europës ndër shekuj.

Sipas Ngjelës, koha do të tregojë së çfarë do të sjellë kjo kontradiktë, që vjen në periudhë të re gjeopolitike për gjithë botën.

“Bashkimi Evropian po kërkon që të dalë edhe si një bashkim ushtarak me forcë botërore. Kurse ndërkohë Donald Trump, një mik i vjerët i Rusisë, brenda natyrës së tij kundër Bashkimit Evropian, po kërkon që ta shpërbëjë Bashkimin Evropian.

Por nuk ka mundësi, sepse sot Bashkimi Evropian e njeh historinë e Evropës në shekuj, shumë më mirë sesa mund ta njohë atë Donald Trump.

Dhe pikërisht kjo është arsyeja që Bashkimi Evropian krijoi mendimin që edhe BE të jetë një forcë ushtarake e centralizuar. Dhe ky do të jetë një sukses për historinë botërore, sepse kthimi i Bashkimit Evropian në një superfuqi ushtarake, sigurisht që do të krijonte një risi në zhvillimin e ekonomisë dhe demokracisë evropiane.

Të shohim se çfarë do të na sjellë kontradikta aktuale SHBA - BE për krijimin e ri ushtarak dhe ekonomik të Bashkimit Evropian; dhe daljen e BE si një superfuqi e tretë ushtarake në këtë kohë të re që po vjen”,-shkruan Ngjela./CNA





Lajmet e fundit nga