web counter
LEXO PA REKLAMA!

SHKARKO APP

App Store
Google Play

E fundit!

x

Në listë për t’u shpallur "non grata" nga SHBA-ja?/ Burgu "nxjerr" Metën jashtë kontrollit

13 Shtator 2022, 10:02, Aktualitet CNA

Në listë për t’u shpallur "non grata" nga

Ilir Meta, i prezantuar tashmë si kreu i Partisë së Lirisë, është nën hetim nga SPAK-u.

Gjatë një interviste për "RTSH", Kraja u tregua i rezervuar, duke përmendur “sekretin hetimor”, megjithëse theksoi se po kryhen të gjitha hetimet për të kuptuar se çfarë ka ndodhur.

“Çështja ndaj ish-presidentit është hapur, si një kallëzim i gazetarëve dhe i një ish-deputeti. Po hetohet dhe po kryhen të gjitha veprimet e nevojshme për të sqaruar çfarë ka ndodhur. Unë jam një nga prokurorët e çështjes. Nuk mund të flas për gjëra konkrete, pasi çështjet janë në hetim. Ne po kryejmë të gjitha veprimet për të kuptuar çfarë ka  ndodhur”, pohoi Kraja.

Edhe pasuria dhe transaksionet e pronarit të vilës luksoze në Gjirin e Lalzit, me 11 tualete, një vetëm për macen, po hetohet.

Në listë për t’u shpallur "non grata" nga

Kreu i SPAK-ut, Arben Kraja, ka thënë se janë në komunikim të vazhdueshëm me bankat.

“Shkojnë kërkesa dhe vijnë përgjigje, pa diskutim”, është shprehur Kraja.

Madje, hetimet për Metën janë shtrirë përtej oqeanit, në SHBA, të cilat sipas Krajës janë në fazën e grumbullimit të provave dhe se presin përgjigje nga një letërporosi dërguar në SHBA.

“Nuk dua të futem në detaje konkrete. Përgjigjet nuk kanë ardhur ende. Do t’i bëjmë të gjitha veprimet e mundshme, përfshirë edhe marrjen e provave jashtë vendit”, është shprehur Kraja, duke lënë kështu të kuptohet se Meta mund të jetë politikani i radhës i shpallur "non grata" nga SHBA-ja.

Kjo situatë duket se e ka tërbuar kreun e PL-së, i cili dyshohet se po tenton të fshihet nën petkun e politikës, duke thirrur protesta dhe duke lëshuar paralajmërime me fyerje dhe ofendime.

Meta del nga binarët

Në listë për t’u shpallur "non grata" nga

Jo më larg se mbrëmë në një emision televiziv, Meta është shfaqur jashtë kontrollit, duke bërtitur në studio, kur i kanë përmendur burgun.

Pasi gazetari Ylli Rakipi i përmendi faktin se mund të përfundojë në burg, Meta ka sulmuar ashpër Ramën.

Ish-presidenti e quajti kreun e qeverisë "legen ordiner" dhe tha se "Rama do të ikë nga politika si kurban i Ilir Metës". 

 “Ka një luftë të mafies me mua dhe e bëj me qejf se nuk më kërcet farë për ta. Rama do të jetë instrument i kësaj loje, do të jetë dhe kurban i saj, kështu që SPAK-u të hetojë ku të dojë.

Unë jam Ilir Meta, ndërsa ai është një legen ordiner dhe është diktator se u shit opozita.

Ai është një legen dhe e di shumë mirë që është një legen. Ai erdhi në politikë si çuni Netës dhe do të ikë nga politika si kurbani i Ilir Metës”, është shprehur Meta, i dalë jashtë kontrollit./CNA.al





Lajmet e fundit nga