web counter
LEXO PA REKLAMA!

SHKARKO APP

App Store
Google Play

Mediu pas seancës në GJKKO: Ka dokumente për demontimin në Gërdec, gjyqi të mos bëhet politik

30 Tetor 2025, 16:50, Aktualitet CNA

Mediu pas seancës në GJKKO: Ka dokumente për demontimin në

Ish-ministri Fatmir Mediu, reagoi sot pas daljes nga Gjykata e Posaçme, ku u mbajt sot një seancë për dosjen “Gërdeci”.

Në fjalën e tij për mediat, Mediu tha se nëse kërkohet drejtësi, mund të bëhet përmes dokumenteve për demontimin.

Mediu shtoi se nuk ka asgjë personale me familjarët e viktimave, por nuk pranon që në emër të tyre të bëhet politikë.

“Gjithçka që bëhet në këtë sallë ka vetëm një qëllim, për të bërë gjyq publik. Meqë tragjedia krijon gjithmonë opinion. Nëse keni vendosur të gjykoni me opinionin dhe jo me procedurë e kod penal, atëherë ky proces ka dështuar. Nëse drejtësia do të donte të bënte drejtësi, ka disa dokumente mbi gjithë procesin e demontimit. Kjo që po ndodh, jemi përballë një fakti të një gjyqi popullor të organizuar politikisht që s’ka lidhje me akuzën për Ministrinë e Mbrojtjes. Edhe pse ka një vendim të Gjykatës së Lartë, nuk ka asnjë qëndrim për këtë çështje as nga Prokuroria apo Gjykata. Që në fillim kemi kërkuar të shqyrtohet çështja e parashkrimit, por gjyqtarja tha se do ta shqyrtonim në fund. I veshi vetes autoritetin për ta vazhduar çështjen dhe shqyrtimin në themel. Çdo kërkesë e jona për të fituar të drejtën tonë në proces si palë e akuzuar është injoruar në mënyrë permanente, nuk ka asnjë kërkesë tonën që të jetë pranuar nga gjykata”,-tha Mediu./CNA

 





Lajmet e fundit nga