web counter
LEXO PA REKLAMA!

SHKARKO APP

App Store
Google Play

Lipsanet e shenjtorit Shën Nikolla vijnë në Berat/ Pritja në Katedralen "Shën Dhimitri"

8 Maj 2026, 21:54, Aktualitet CNA

Lipsanet e shenjtorit të madh, Shën Nikollës vijnë nga Kisha Katolike nga Bari i Italisë për të qëndruar për disa ditë në qytetin e Beratit.

Pritja solemne e lipsaneve u organizua në sheshin përballë Katedrales Orthodhokse “Shën Dhimitri”, ku u mblodhën klerikë, besimtarë dhe përfaqësues të shumtë të komunitetit fetar. Atmosfera ishte e mbushur me lutje, këngë kishtare dhe momente nderimi për shenjtorin.

Në këtë ceremoni morën pjesë Mitropoliti i Beratit, Hirësi Asti, Mitropoliti i Korçës, Hirësi Anastasi, si dhe klerikë të tjerë vendas e të huaj, së bashku me delegacione të ndryshme kishtare.

Një nga momentet më të rëndësishme të mbrëmjes së kësaj të premte ishte Agripnia e Shenjtë, një shërbesë që u mbajt me lutje, psalme dhe lexime fetare, duke krijuar një atmosferë të thellë përkushtimi shpirtëror.

Klerikët dhe besimtarët u rreshtuan për të nderuar lipsanet e shenjtorit, duke u falur me radhë para tyre. Besimtarëve iu dha gjithashtu mundësia të merrnin një ikonë të Shën Nikollës si kujtim dhe bekim nga kjo ngjarje e veçantë për komunitetin orthodhoks në Berat. /CNA





Lajmet e fundit nga