web counter
LEXO PA REKLAMA!

SHKARKO APP

App Store
Google Play

Largimi nga jeta Janullatos/ Përfaqësuesi i Kishës Ortodokse në Vlorë: Humbje e madhe

25 Janar 2025, 12:28, Aktualitet CNA

Largimi nga jeta Janullatos/ Përfaqësuesi i Kishës Ortodokse

Kryepiskopi i Tiranës, Durrësit dhe i Gjithë Shqipërisë, Anastas Janullatos, u nda nga jeta në moshën 95-vjeçare. Prej 3 janarit, Kryepeshkopi ishte i shtruar në një spital në Athinë. Janullatos ka udhëhequr Kishën Ortodokse të Shqipërisë që prej vitit 1992, duke lënë një ndikim të pashlyer në jetën fetare dhe shoqërore të vendit.

Në lidhje me këtë humbje të madhe, përfaqësuesi i Kishës Ortodokse të qytetit të Vlorës, Ilia Qirjo shprehu mesazhin e tij ngushëllues për besimtarët e këtij komuniteti dhe të gjithë shqiptarët.

Ai theksoi se vdekja e Kryepeshkopit Anastas është një humbje e madhe, por edhe një mundësi për të kujtuar kontributin e tij të pazëvendësueshëm për forcimin e lidhjeve shpirtërore dhe kombëtare të Kishës Ortodokse në Shqipëri.

"Me dhembje të thellë morëm lajmin për ndarjen nga jeta të Kryepeshkopit Anastas. Ai ka udhëhequr Kishën Ortodokse me dritën e mençurisë dhe dashurisë për Zotin dhe njeriun. Kjo humbje është e rëndë për të gjithë besimtarët, por jemi të sigurt se veprat dhe mësimet e tij do të vazhdojnë të udhëzojnë besimtarët edhe pas këtij momenti të vështirë," tha ai për CNA TV.

Përfaqësuesi theksoi se ky është një moment solidariteti dhe lutje për shpirtin e Kryepeshkopit Anastas, duke u shprehur se besimtarët do të mbajnë gjithmonë në zemrat e tyre kujtimin dhe mësimet e tij./ CNA





Lajmet e fundit nga