web counter
LEXO PA REKLAMA!

SHKARKO APP

App Store
Google Play

E fundit!

x

I trishtuar për humbjen e Janullatos/ Peleshi kujton disa nga fjalët e tij të urta

25 Janar 2025, 09:42, Aktualitet CNA

I trishtuar për humbjen e Janullatos/ Peleshi kujton disa nga fjalët e

Kreu i grupit parlamentar të Partisë Socialiste, Niko Peleshi ka reaguar për ndarjen nga jeta të kryepiskopit Anastas Janullatos.

Peleshi shkruan se ky është një moment trishtimi për besimëtarët ortodoksë.

Ish-ministri shprehet se kryepiskopi Anastas ka meritën e ngritjes nga hiri të të gjithë institucioneve të klerit ortodoks, kishave e tempujve dhe institucioneve të edukimit teologjik.

Po ashtu Peleshi kujton disa nga fjalët e Kryepiskopit Anastas: “Mos u mërzitni e mos u dekurajoni nga gurët që iu hedhin. Mblidhini ata gurë dhe ndërtoni”

“Ndarja nga jeta e Kryepeshkopit Anastas, është një moment trishtimi për besimtarët ortodokse që sot humbën kryebariun. Kryepeshkopi Anastas ka meritën e ngritjes nga hiri të gjithë institucioneve te klerit ortodoks, kishave e tempujve dhe institucioneve te edukimit teologjik ku ortodokset shqiptarë marrin mësimet e shenjta në gjuhen tonë .

Dhjetra klerikë shqiptare janë sot plejada e Kishës Ortodokse Autoqefale Shqiptare, falë vizionit të Fortlumturisë së Tij Kryepeshkopit Anastas.

Për merakun e ndokujt, nuk mori asgjë nga këto me vete, por ia la Shqipërisë si një kontribut i një misionari që ia dedikoi gjithë jetën e Tij besimit.

Më kujtohen disa fjalë të Tij të kahershme: mos u mërzitni e mos u dekurajoni nga gurët që iu hedhin. Mblidhini ata gurë dhe ndërtoni.

I përjetshëm qoftë kujtimi i Tij”, shkruan Peleshi./ CNA





Lajmet e fundit nga