web counter
LEXO PA REKLAMA!

SHKARKO APP

App Store
Google Play

E fundit!

x

Korça ndez dritat e festave/ Filo: Atmosfera magjike dhe një sërë aktivitetesh do na shoqërojnë gjithë dhjetorin

6 Dhjetor 2025, 18:52, Aktualitet CNA

Në Shqipëri po ndjehet gjithnjë e më shumë atmosfera e festave të fundvitit. Ditën e sotme, Korça, e cilësuar si kryeqyteti i festimeve të fundvitit ka ndezur dritat e festave.

Kryebashkiaku i Korçës, Sotiraq Filo u shpreh se nga sot qyteti merr pamjen magjike që do ta shoqërojë përgjatë gjithë muajit dhjetor dhe ditëve të para të janarit.

Filo u shpreh se ashtu si vitet e tjera, numri i vizitorëve në Korçë pritet të jetë i lartë. Gjithashtu shtoi se të gjitha kapacitetet akomoduese të Korçës janë rezervuar, shitur dhe prenotuar. Në fund të fjalës së tij, kryebashkiaku uroi shëndet dhe mbarësi për çdo familje korçare dhe shqiptare.

“Sot është një ditë e veçantë, ashtu si në çdo fillim të muajit dhjetor, Korça ndez dritat e festave dhe merr pamjen magjike që e shoqëron përgjatë gjithë muajit dhjetor, duke u shndërruar në kryeqytetin e festimeve të festave të fundvitit në Shqipëri. Atmosfera është magjike, por nuk është vetëm atmosfera që sjellin dritat e zbukurimeve, por është edhe një kalendar i pasur me aktivitete që do të na shoqërojnë përgjatë gjithë muajit dhjetor dhe ditëve të para të janarit. Besoj që edhe këtë dhjetor, ashtu si dhe vitet e tjera, do të kemi shumë vizitorë, miq edhe vizitorë të ndryshëm nga qytete të tjera të Shqipërisë dhe nga jashtë Shqipërisë, që do të zgjedhin Korçën si destinacionin e pushimeve dhe festimeve të tyre. Ka kohë që të gjitha kapacitetet akomoduese të Korçës janë rezervuar, janë shitur, janë prenotuar, dhe shpresoj, siç thashë, të kemi një atmosferë magjike që të na shoqërojë përgjatë gjithë këtij muaji. Shumë faleminderit, gëzuar festat, shëndet dhe mbarësi në çdo familje korçare dhe shqiptare”, u shpreh Filo. /CNA





Lajmet e fundit nga