web counter
LEXO PA REKLAMA!

SHKARKO APP

App Store
Google Play

E fundit!

x

Konfiskimi i ndërtimeve pa leje/ Paralajmëron Rama: Aksioni  në gjithë Shqipërinë

9 Shtator 2022, 19:18, Aktualitet CNA
Konfiskimi i ndërtimeve pa leje/ Paralajmëron Rama: Aksioni 
Kryeministri Edi Rama

Kryeministri Edi Rama, ka paralajëmruar se, aksioni për konfiskimin e ndërtimeve pa leje do të shtrihet në të gjithë Shqipërinë.

Rama ka bërë me dije se do të vendosen kontrolle të detyruara çdo 45 ditë në mënyrë që të mos vazhdohet më tej me ndërtimet pa leje.

"Ne do ta shtrëngojmë ligjin, do vendosim kontrolle të detyruara çdo 45 ditë në mënyrë që katet mos hidhen dhe pastaj kur shikohen është vonë. Më e rëndësishmja nga të gjitha është që ky është një operacion i cili do të shtrihet në gjithë Shqipërinë. Tirana ka problematikën më të vogël në këtë drejtim. Ka vende të tjera që kanë problematika më të mëdha. Nëse ne duam ta çojmë në zero rritjen e volumeve të ndërtimeve pa leje në Tiranë, mund të duket paradoks por e kemi më të lehtë sepse sasi në raport me gjithë pjesën e ndërtuar ligjërisht është e vogël. Kur e nisëm ishte marramendëse. Ka zona të tjera, sidomos në bregdet ku ka goxha punë për të bërë. Ajo që keni parë është vetëm fillimi i një procesi. Populli do marrë pjesën e vet. Është pjesa që i takon si taksa pagues. Është detyra e policisë së shtetit. Ajo që është fatkeqësi, është që janë persona të implikuar dhe me bekim të shefave të komisariateve. Nuk ka asnjë mundësi tjetër në botë", tha Rama gjatë takimit në Zall-Herr./ CNA.al





Lajmet e fundit nga