LEXO PA REKLAMA!

SHKARKO APP

“Komisioni hetimor parlamentar mbuloi pronarët e inceneratorëve”/ Kryemadhi tregon bisedën me Tabakun

24 Janar 2023, 08:30, Aktualitet CNA

“Komisioni hetimor parlamentar mbuloi pronarët e

Deputetja Monika Kryemadhi ka vijuar me denoncimet për inceneratorin e Tiranës.

Ajo ka deklaruar se kanë dorëzuar në Prokurori të gjitha provat që tregojnë që është hapur venddepozitimi i vjetër i Sharrës pasi gropa që duhej të mbushej për 30 vjet është mbushur në 9 muaj.

Gjatë emisionit “Të Paekspozuarit” , Kryemadhi tha se minimumi që duhet të ishte bërë është të ishin ndaluar pagesat.

Sipas Kryemadhit, Komisioni hetimor parlamentar që drejtohej nga Jorida Tabaku, deputete e PD-së, u bë për të mbuluar aferën e inceneratorëve.

“Ajo çfarë kemi dorëzuar në Prokurori me të gjithë paditë dhe filmimet e përmbyllën dhe e bënë të qartë çfarë ndodh, duke vendosur para përgjegjësisë kryeministrin dhe Veliajn, duke identifikuar që është hapur venddepozitimi i vjetër i Sharrës. Gropa e famshme që duhej të mbushej për 30 vjet është mbushur për 9 muaj. Duke qenë se kjo vaskë është mbushur është hapur venddepozitimi i vjetër. Gjëja më minimale që mund të bënte qeveria është ndalesa e pagesave. Asnjë nga fazat nuk bëhet. Sot paguajmë 29 euro për ton nga 12 euro.

Është një argumentim për Prokurorinë, është vonë në procesin e saj. Nuk mund ta zvarrisin, siç menduam për inceneratorin e Fierit. Inceneratorit të Tiranës i mbaron kontrata në 2047. Kemi paguar 54 milionë euro. I kam dërguar dy herë letër SPAK-ut. Po të kishte hetim do të ishte duke sekuestruar inceneratori.

Presioni dhe intimidimi është i madh. Bashkia e Tiranës paguan 12 milionë euro në vit për ton mbetje. Duan ta zvarrisin hetimin. Diferencimi dhe riciklimin e kanë marrë përsipër ta bëjnë brenda 22 muajve.

Jemi mësuar të bëjmë njerëzit pis. Akuzojmë, por asnjërit nuk i shkojmë deri në fund. Dhe kur u bë komisioni hetimor u bë për t’u mbuluar aferën. U bë teatër. I thashë Tabakut, do ta votoj raportin nëse më thua çfarë ka në Sharrë. Bëmë teatër me qytetarë. 4 ditë nga 20 orë dëgjonim teatër”, është shprehur Kryemadhi./CNA.al

Lajmet e fundit nga