LEXO PA REKLAMA!

SHKARKO APP

Këshilli i Sigurimit: Xhaçka: Mijëra njerëz kanë paguar me jetë për luftën e Putinit

22 Shtator 2022, 18:10, Aktualitet CNA
Këshilli i Sigurimit: Xhaçka: Mijëra njerëz kanë
Ministrja, Olta Xhaçka

Ministrja, Olta Xhaçka ka folur në takimin e Këshillit të Sigurimit në OKB në kuadër të paqes dhe stabilitetit në Ukrainë.

Ministrja nënvizoi se Shqipëria mirëpret vendimin e Presidencës franceze të KS, për ta mbajtur fokusin në çështjen e llogaridhënies.

Xhaçka theksoi se lufta e Rusisë ndaj Ukrainës, na kujton ditët e errëta të fashizmit dhe stalinizmit.

 “Mirëpresim vendimin e Presidencës franceze të KS, për ta mbajtur fokusin në çështjen e llogaridhënies. Veprimet e Rusisë janë një shkelje flagrante e Kartës së Kombeve të Bashkuara Rusia ka zgjedhur ta injorojë hapur vazhdimisht vendimin e Gjykatës Ndërkombëtare të Drejtësisë. Lufta e Rusisë ndaj Ukrainës, na kujton ditët e errëta të fashizmit dhe stalinizmit. Mijëra njerëz kanë paguar me jetën e tyre për luftën e zgjedhur të Vladimir Putinit. Miliona në mbarë botën janë të uritur për shkak të luftës së zgjedhur të Putin. Ne si komunitet ndërkombëtar duhet të vazhdojmë të ndihmojmë në mbrojtjen e Ukrainës”, është shprehur ministrja Xhaçka./ CNA.al

Lajmet e fundit nga