E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Bileta e autobusit do rritet 70-80 lekë/ Paralajmëron anëtari i shoqatës së transportit publik

22 Shtator 2022, 14:31, Aktualitet CNA

Bileta e autobusit do rritet 70-80 lekë/ Paralajmëron anëtari i

Shoqata e Transportit Publik po kërkon rritjen e biletës së autobusëve deri në 70-80 lekë, pra gati 2-fishin e asaj që është aktualisht, me argumentin se nuk janë në gjendje që të përballojnë shpenzimet që janë rritur si pasojë e krizës.

Ata kërkojnë nga qeveria subvencionim, në të kundërtën thonë se rritja e çmimit të biletës është e vetmja mënyrë që të mund t’i ndihmojë që të mos ndërpresin shërbimin.

Në një lidhje “Skype” me emisionin “Shqipëria Live” Kostandin Foni, anëtar i shoqatës së transportit publik, tha se nuk ka qenë kërkesë e drejtpërdrejtë për rritjen e çmimit të biletës.

Por kur Memaj është pyetur se çfarë ndodh nëse ndërpritet subvencionimi, ai ka thënë se do të kërkojmë rritjen e çmimit të biletës, shkruan Shqip.

“Ka qenë si propozim nëse institucionet vendore dhe qendrore nuk marrin parasysh kërkesat e mëparshme. Duke mos marrë parasysh këto, ka qenë një propozim për rritjen e çmimit. Por kjo nuk bëhet nga ana e jonë, por nga ministria e Transportit”, tha anëtari i shoqatës së transportit publik.

I pyetur nëse rritja e çmimit do të “ishte një kërkesë e vlefshme dhe a është një alternativë që do zgjidhte situatën?”, Foni u shpreh se në muajt prill-maj janë bërë subvencionimet. Ka vijuar edhe në gusht-shtator-tetor, për t’u ndërprerë në korrik-qershor.

"Në rast se nuk do të ketë një vijim të subvencionimit, kërkesat tona do të jenë po ato që kanë qenë”, ka thënë më tej ai.

Më pas ai shpjegoi edhe pse mund të kërkohet 2-fishimi i çmimit të biletës.

“Është rritur çdo produkt, që nga mirëmbajtja e mjeteve. Ka ndikuar edhe rritja e pagave të stafit të këtij sektori. Një rritje e konsiderueshme, pasi kemi një mungesë të theksuar për shoferë, fatorino e me radhë.

Po japim të gjitha mundësitë që stafi mos të largohet nga ky sektor dhe Shqipëria”, tha Foni.