web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e PD/ Bashkia Lushnje i heq titullin "Qytetar Nderi", Gjergj Velos

23 Dhjetor 2025, 15:41, Aktualitet CNA

Kërkesa e PD/ Bashkia Lushnje i heq titullin "Qytetar Nderi",

Bashkia e Lushnjes ditën e sotme i ka hequr titullin “Qytetar Nderi”, Gjergj Velos.

Vendimi vjen pasi këshilltarët demokratë në Bashkinë e Lushnjes kanë bërë më 17 dhjetor kërkesë për heqjen e këtij titulli.

Kërkesa u bë me motivacionin se gjatë regjimit komunist, Velo internonte familjet lushnjare që dilnin kundër sistemit.

Kërkesa e PD/ Bashkia Lushnje i heq titullin "Qytetar Nderi",

Lajmi për heqjen e titullit, u bë publik nga kryetari i grupit të opozitës në Këshillin Bashiak, Klement Çelaj.

Me anë të një reagimi në rrjetet sociale, Çelaj shkruan se vendimi i marrë është një vendim që duhej marrë prej kohësh. Çelaj shprehet se vendimi nuk është thjesht administrativ, por dhe një dënim moral.

Deklarata

Nderi i qytetit nuk i shërben as individëve të komprometuar, as regjimeve që i prodhojnë.

Sot, Këshilli Bashkiak i Lushnjës bëri atë që duhej bërë prej kohësh: i hoqi titullin “Qytetar Nderi” Gjergj Velos.

Një titull që nuk mund të qëndrojë mbi shpatullat e askujt që ka qenë pjesë, zë apo përfitues i një regjimi që shtypi, heshti dhe poshtëroi njerëzit.

Ky vendim nuk është thjesht administrativ. Është një akt dënimi moral.

Dënim për individin.

Dënim për një sistem që u përpoq të normalizonte padrejtësinë dhe ta mbështillte me tituj e privilegje.

Lushnja nuk ka borxh ndaj askujt që ka shërbyer pushtetin kundër qytetarëve. Përkundrazi, ka borxh ndaj kujtesës, ndaj viktimave, ndaj brezave që kërkojnë të vërtetën, jo zbukurimin e saj.

Titujt e nderit nuk janë mburojë politike dhe as fletë-larje historie.

Ato hiqen kur bien maskat.

Sot u tha qartë:

Nuk nderohet individi që ka nderuar një regjim të padrejtë.

Dhe Lushnja nuk pranon të mbajë mbi vete peshën e një gënjeshtre.

Ky është një hap drejt drejtësisë së vonuar. Dhe drejtësia, edhe kur vjen vonë, vjen për të qëndruar.  





Lajmet e fundit nga