web counter
LEXO PA REKLAMA!

SHKARKO APP

App Store
Google Play

Ish-ministrja paraqitet në SPAK

23 Dhjetor 2025, 10:00, Aktualitet CNA


Ish-ministrja Olta Xhaçka është paraqitur ditën e sotme në SPAK. Ende nuk dihen detajet e thirrjes së saj në SPAK.

Kujtojmë se, më parë është bërë me dije se, ish-ministrja e Jashtme është nën hetim nga prokuroria e Antikorrupsionit në lidhje me disa tendera kur ajo ishte ministre e Mbrojtjes, ndërkohë që edhe mandati i saj si deputete ishte drejt heqjes, për shkak të shpalljes si investitor strategjik të bashkëshortit të saj, Artan Gaçi.

Olta Xhaçka ka qenë disa herë në Prokurorinë e Posaçme për t’u marrë në pyetje, në cilësinë e personit që ka dijeni në lidhje me privatizimin e bazave detare të ushtrisë.

Xhaçka është nën hetim pas një kallëzimi të bërë më herët nga Artur Mecollari, i cili ka kallëzuar një sërë zyrtarësh të Ministrisë së Mbrojtjes, përfshi edhe ministren e Mbrojtjes të asaj kohe Olta Xhaçka me akuzën e shpërdorimit të detyrës.

Kohë më parë prokuroria vendosi në sekuestro preventive një sipërfaqe të madhe tokë në portin e Limionit, që ka qenë në pronësi të ushtrisë dhe sipas kallëzimit ajo iu dha me qera biznesmenëve të ndryshëm në kundërshtim me ligjin.

Xhaçka akuzohet gjithashtu se kur ishte pjesë e qeverisë ‘Rama’ ka përfituar drejtpërdrejt të mira publike nëpërmjet vendimeve të Komitetit të Investimeve Strategjike në favor të kompanive në zotërim të bashkëshortit të saj, ish-deputetit socialist, Artan Gaçi dhe familjarëve të tjerë të ministres.

Kompania në pronësi të Artan Gaçit mori statusin ‘investitor strategjik' për ndërtimin e një hoteli me 5 yje dhe me kapacitet prej 106 suitash në Dhërmi./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga