web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi në Bruksel: Për Ramën ka më shumë vlerë mbrojtja e të korruptuarve se rrugëtimi europian i vendit

18 Mars 2026, 10:55, Aktualitet CNA

Këlliçi në Bruksel: Për Ramën ka më shumë

Deputeti i Partisë Demokratike, Belind Këlliçi, ndodhet në Bruksel ku ka marrë pjesë në një takim në selinë qendrore të Partisë Popullore Europiane.

Në postimin e tij në rrjetet sociale, Këlliçi shkruan se Shqipëria është e para ndër vendet anëtare të EPP, sa u përket problematikave me zgjedhjet e lira.

Sipas tij, “qershia mbi tortë” është procesi zgjedhor i zhvilluar me 11 maj të vitit të kaluar, të cilin Këlliçi e cilëson si farsë elektorale.

Ndër të tjera, deputeti shton se për kryeministrin Edi Rama dhe qeverinë më shumë ka vlerë “mbrojtja e të korruptuarve sesa rrugëtimi europian i vendit”.

Postimi i plotë:

Në Bruksel, në shtëpinë tonë politike, selinë qëndrore të EPP (Partisë Popullore Europiane), së bashku me kolegë të ndryshëm nga Europa, duke ndarë përvojat dhe problematikat tona zgjedhore.

Shqipëria prin mes çdo vendi anëtar përsa i përket problemeve me zgjedhjet e lira e të ndershme, pasi tashmë prej 1 dekade organizon “procese votimi” dhe qershia mbi tortë mbetet farsa elektorale e zhvilluar më 11 Maj të 2025.

Shkëmbimi i eksperiencave na forcon si ekip dhe bashkëpunimi ndërkombëtar mbetet çelësi për të përballuar sfidat e përbashkëta dhe për të avancuar drejt një Europe më të fortë dhe më të bashkuar

PS: Sa për Edi Ramën dhe bandën e tij në qeveri, tashmë çdo shqiptar apo nderkombëtar është i qartë se më shumë vlerë ka mbrojtja e të korruptuarve dhe krimit të organizuar, sesa rrugëtimi Europian i Shqipërisë.

Qeveria e Ramës ngeli në klasë në testin kritik “Balluku”! /CNA





Lajmet e fundit nga