web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimit të naftës/ Konfindustria: Qeveria të ndërtojë paketë fiskale antikrizë

18 Mars 2026, 10:36, Aktualitet CNA

Rritja e çmimit të naftës/ Konfindustria: Qeveria të

Konfindustria ka dalë me një reagim lidhur me zgjatjen e krizës së karburanteve për shkak të luftës aktuale në Gjirin Persik dhe rritjen e çmimit të naftës në vendin tonë.

Në një deklaratë zyrtare, Konfindustria i kërkon qeverisë ndërtimin dhe zbatimin e shpejtë të paketës fiskale lehtësuese të çmimeve në treg.

Ndërkohë lidhur me çmimin e naftës që është rritur në 200 lekë/litër, thuhet se kjo mund të krijojë pasoja shkatërruese për ekonominë, industritë dhe qytetarët.

Ndër të tjera në deklaratë përmendet se Shqipëria ka çmimet më të larta të karburanteve në rajon dhe rritja e mëtejshme do të rrezikonte një krizë ekonomike të plotë dhe me pasoja të rënda, deri në qëndrueshmërinë politike dhe rendin kushtetues të vendit.

Deklarata e plotë:

Konfindustria, duke marrë shkak nga thellimi dhe zgjatja e papërcaktuar në kohë e krizës së karburanteve për shkak të luftës në Gjirin Persik, kërkon nga qeveria ndërtimin dhe zbatimin e shpejtë të paketës fiskale lehtësuese të çmimeve në treg.

Konfindustria kërkon, që paketa e parë fiskale antikrizë të përfshijë të paktën dy shtylla:

Së pari, gjithë shtesa e të ardhurave në buxhet nga zbatimi i TVSH-së mbi çmimet e rritura të karburanteve krahësimisht me kohën e parakrizës, të rikthehet drejpërdrejtë për qytetarët dhe bizneset në çmimin fundor.

Së dyti, të ulet taksa e qarkullimit të automjeteve deri në masën e rritjes së të ardhurave absolute në buxhet nga TVSh-ja e karburanteve krahësimisht me çmimet në kohën parakrizë.

Masa e tretë e domosdoshme shoqëruese e paketës është ndërtimi i mekanizmit institucional për përcaktimin e çmimit tavan të shitjes me pakicë të karburanteve me qëllim që ulja e peshës fiskale të mos përfundojë vetëm në shtimin e fitimeve për tregëtarët oligopol.

Çmimet me pakicë në treg kanë kapur kufijtë e 200 lekë/litër dhe kahu është për rritje të mëtejshme, që mund të krijojë pasoja shkatërruese për ekonominë, industritë dhe qytetarët. Shqipëria ka çmimet më të larta të karburanteve në rajon dhe rritja e mëtejshme do rrezikonte një krizë ekonomike të plotë dhe me pasoja të rënda shumëpërmasore, deri në qëndrueshmërinë politike dhe rendin kushtetues të vendit.

Shqipëria ka çmimet më të larta të karburanteve në rajon dhe rritja e mëtejshme do rrezikonte një krizë ekonomike të plotë dhe me pasoja të rënda shumëpërmasore, deri në qëndrueshmërinë politike dhe rendin kushtetues të vendit. /CNA





Lajmet e fundit nga