web counter
LEXO PA REKLAMA!

SHKARKO APP

App Store
Google Play

E fundit!

x

“Kallëzim, more kallëzim”/Rama bën për "1 lek" Bardhin: Kërcim i çingijes në prehrin e tutorit

28 Qershor 2024, 15:42, Aktualitet CNA
“Kallëzim, more kallëzim”/Rama bën për "1
Kryeministri Edi Rama

Kryeministri Edi Rama ka reaguar pas shkuarjes në SPAK të vëllait të tij Olsi Rama, i cili ka kërkuar informacion në lidhje me padinë e bërë nga ai për Bardhin.

Përmes një postimi në rrjetet sociale kryeministri shprehet se nuk ka asnjë kallëzim për vëllain e tij, por është një tjetër kërcim i çingijes në prehrin e tutorit të ri lart në ballkon.

Rama shkruan se SPAK-u e ka rihapur dosjen dhe duhet të presin për të parë provat e pretenduara nga çingija, duke iu referuar Bardhit që sipas Ramës do të duhet t’i gjejë vendin gishtit të akuzës që e ka mbajtur aq shumë në ajër, për të argumentuar kallëzimin e rremë.

“A ju kujtohet kur thoshte “kallzim more kallzim kam bërë” duke tundur ndenjësen mbi karrige?! Kishte zbuluar një narkotrafikant në familjen time, që e kishte kallzuar në SPAK dhe aq shumë e bëri ajrin vrimë me gisht sa e detyroi narkosin e kallzuar, t’i bënte kallzim për kallzim të rremë.

Mirëpo ja që s’paska qenë kallzim i rremë sepse s’paska qenë fare hiç kallzim, po një tjetër kërcim i çingijes në prehërin e tutorit të ri lart në ballkon.

Orë të tëra në parlament, intervista të tëra nëpër kanale, tituj e fjali të tëra nëpër portale, pa asnjë turp e asnjë respekt për miletin që e kanë bërë si mish në pazarin e neveritshëm të kujeve e kuisjeve të tyre, dhe si përfundim një tallje e madhe për një kallzim që nuk ekziston!

Fatmirësisht SPAK-u megjithatë e ka rihapur dosjen e tundur nga çingija si dajre mbi prehërin e tutorit dhe le të presim deri në fund nëse do të gjejë provat e pretenduara nga çingija do të duhet t’i gjejë vendin gishtit të akuzës që e ka mbajtur aq shumë në ajër, për të argumentuar kallzimin e paqenë!”, tha Rama./ CNA





Lajmet e fundit nga