web counter
LEXO PA REKLAMA!

SHKARKO APP

App Store
Google Play

E fundit!

x

"Jashtë bëjmë shqiponjën, por në Shqipëri shpërdorojmë identitetin kombëtar"/ Tare: Mungon menaxhimi

20 Tetor 2025, 09:36, Aktualitet CNA

"Jashtë bëjmë shqiponjën, por në Shqipëri

I ftuar në emisionin “Kafe shqeto” me gazetarin Flavio Qarri në "Syri TV", eksperti i Trashëgimisë Kulturore, Auron Tare, ka ngritur problematikat e menaxhimit të siteve arekologjike dhe monumenteve të kulturës.

Tare deklaron se ka mungesë ekspertësh restauratorë dhe mungesë menaxhimi.

"Në qendrat kryesore si Bylisi, Apoloni, ka pasur grupe specialistësh restauratorë, në Gjirokastër nuk ka më sepse ose kanë ndërruar jetë ose kanë emigruar.

Mungon dashuria për monumentet.

Nuk kemi një shkollë menaxhimi, marrin një arkeolog dhe e bëjnë drejtor, si të bësh sportistin trajner.

Kalaja e Beratit ka dy hyrje dhe ka shumë turistë, nëpër kalldrëme futen shumë makina dhe kamionë duke krijuar vështirësi për turistët, kjo ishte pamje banale. Na mungon administrimi që është gjëja më e thjeshtë", tha Tare.

 

Tare ngriti dhe problemin e menaxhimit të Butrintit dhe tha se duhet të bëhet nga institucionet shqiptare.

"AADF nuk ka lidhje identitare me ne, por fondet më të rëndësishme të trashëgimisë i janë dhënë një banke të huaj. Butrinti duhet të menaxhohet nga shqiptarët, institucionet shqiptare duhet të forcohen".

Për Taren ndërtimi i rrugës "Egnatia" është qesharak.

"Më irriton që bëjmë shqiponjën jashtë, por shpërdorojmë identitetin duke u dhënë pikat kryesore fondeve të huaja.

Për rrugën 'Egnatia' nuk e kishte fajin kryetari i bashkisë, por Instituti i Trashëgimisë Kulturore, ata nuk dinin se çfarë ishte ajo rrugë dhe thanë se ia kanë dhënë ata lejen dhe nuk e kishin në inventar. Jemi bërë qesharakë dhe specialistët thanë në Kuvend se lejen për asfalt ia kanë dhënë ata.

Nuk ka studime për kalldrëmin, por në momentin që doli duheshin ndaluar punimet", deklaroi Tare./CNA

 





Lajmet e fundit nga