web counter
LEXO PA REKLAMA!

SHKARKO APP

App Store
Google Play

I shtruar prej disa ditësh në spital/Primatët e Kishave Orthodhokse në mbarë botën luten për shëndetin e Kryepiskopit Anastas Janullatos

10 Janar 2025, 16:25, Aktualitet CNA
I shtruar prej disa ditësh në spital/Primatët e Kishave
Kryepiskopi Anastas Janullatos

Në një njoftim të shpërndarë nga Kisha Orthodhokse Autoqefale thuhet se Primatët e Kishave Orthodhokse, Episkopët, klerikët dhe besimtarët në mbarë botën kanë dërguar letra me lutje për shëndetin e Kryepiskopit Anastas, i cili ndodhet prej disa ditësh i shtruar në një spital në Athinë, pas problemeve të shfaqura që nga muaji dhjetor.

I shtruar prej disa ditësh në spital/Primatët e Kishave
Patriarku Ekumenik Vartholome

Patriarku Ekumenik Vartholome në letrën e Tij drejtuar Kryepiskopit Anastas shkruan:

"Në këto rrethana, Ju përshëndesim vëllazërisht dhe lutemi për një shërim të shpejtë dhe të plotë, që të mund të vazhdoni me veprat tuaja të dashura për Perëndinë, duke lavdëruar dhe falënderuar Atë që "i shëron të gjitha sëmundjet tona" (Psalmi 102:3).

I shtruar prej disa ditësh në spital/Primatët e Kishave
Patriarku i Jeruzalemit, Theofili

"Prandaj, i lutemi Shpëtimtarit tonë Jisu Krisht, që u lind në shpellë dhe u vendos në grazhd, t’Ju japë shërim të shpejtë dhe rikthimin e plotë të shëndetit për të vazhduar, me forcë të patundur, shërbesën Tuaj të shenjtë kryepriftërore, baritore dhe misionare, të vlefshme dhe të dashur nga Perëndia, për të mirën e Kishës Orthodhokse në Shqipëri dhe të të gjithë orthodhoksëve të bekuar.

Ju përqafojmë me puthje të shenjtë nga Shpella Perëndipritëse dhe e Shenjtë".

“Më Krishtin, vëlla i dashur i Fortlumturisë tuaj të Perëndimbrojtur”, shkruan në letrën e tij Patriarku i Jeruzalemit, Theofili.

I shtruar prej disa ditësh në spital/Primatët e Kishave
Patriarku i Kishës Orthodhokse Rumune, Danieli

Edhe Patriarkët e Rumanisë dhe Bullgarisë dërguan letra ku luten për shërimin e Kryepiskopit Anastas.

"Në këto momente sprove, i drejtojmë mendimet tona te ju Fortlumturi dhe i lutemi Zotit tonë Jisu Krisht, Mjekut të shpirtrave dhe trupave tona, që të ndihmojë mjekët t’ju lehtësojnë dhimbjen dhe t’ju rikthejnë shëndetin. Kisha Orthodhokse Rumune lutet së bashku me klerin dhe besimtarët e Kishës vëllazërore Orthodhokse të Shqipërisë për shërimin e plotë të Fortlumturisë suaj”, thuhet në letrën e lutjes së Patriarkut të Rumanisë, Danielit

I shtruar prej disa ditësh në spital/Primatët e Kishave
Patriarku i Kishës Orthodhokse Bullgare, Danieli

"Lutemi nxehtësisht para Zotit për shërimin tuaj të shpejtë me hirin e Tij hyjnor, i cili «në dobësi përmbushet» (2 Kor. 12, 9). Perëndia i gjithëmëshirshëm, përmes ndërmjetimeve të Nënës së Tij të papërlyer, Ju dhuroftë shëndet të patundur dhe forcë, që të kapërceni me sukses këtë provë dhe të vazhdoni t'i shërbeni Kishës së shenjtë edhe në të ardhmen, si shembull për të gjithë ne, ashtu si keni bërë deri tani.Duke kërkuar bekimet e shenjta të lutjeve Tuaja, mbetemi me dashuri të sinqertë në Krishtin, vëlla dhe bashkëmeshues”, shkruan në lutjen e tij, Patriarku i Bullgarisë, Danieli/CNA

 





Lajmet e fundit nga