web counter
LEXO PA REKLAMA!

SHKARKO APP

App Store
Google Play

E fundit!

x

Krimi që mbron shtetin e vet/ PL, akuza Qeverisë për atentatin e Vlorës

18 Gusht 2022, 13:10, Aktualitet CNA

Krimi që mbron shtetin e vet/ PL, akuza Qeverisë për atentatin e

Sekretari i Përgjithshëm i PL-së, Tedi Blushi, ka reaguar pas atentatit të dyfishtë në Vlorë.

Me anë të një postimi në rrjete sociale, Blushi shkruan se nuk ka shtet, por vetëm krim që mbron shtetin e vet.

“Katër viktima në më pak se 24 orë është bilanci tragjik i revanshit të krimit dhe pasigurisë së jetës në mbarë vendin.

Mungesa e autoritetit të shtetit dhe vigjilencës për të parandaluar dhe goditur krimin përpara se ai të marrë jetët e qytetarëve është një akuzë e fortë për Kryeministrin, Ministrin e Brendshëm dhe Policinë e Shtetit”, shkruan Blushi.

Sipas tij, të kontrollosh jetën private, "deri edhe mendimet" e qytetarëve nëpërmjet patronazhistëve, por të dështosh me institucionet e ngarkuara me ligj në parandalimin e vrasjeve dhe moskapjen e autorëve të tyre do të thotë se kjo Qeveri është në aleancë me krimin, mburojë dhe frymëzuese e tij.

“Një Kryeministër që 10 vite në pushtet promovoi krimin dhe trafikun e drogës me ministra në Qeveri, deputetë, kryebashkiakë dhe drejtorë në administratë është tregues se në Shqipëri krimi e ka kapur për fyti shtetin.

Është Rama përgjegjës që krimi nga nëntoka, ka dalë në publik dhe demonstron forcën para qytetarëve, duke u marrë deri dhe jetën”, shkruan më tej Blushi./CNA.al





Lajmet e fundit nga