E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Krimi i organizuar dhe pastrimi i parave/ Arben Kraja dhe Olsian Çela “zbresin” në Belgjikë

5 Tetor 2022, 08:29, Aktualitet CNA

Krimi i organizuar dhe pastrimi i parave/ Arben Kraja dhe Olsian Çela

Drejtuesi i Prokurorisë së Posaçme të Republikës së Shqipërisë, z. Arben Kraja, mori pjesë në ceremoninë solemne me ftesë të Kryeprokurorit Federal Belg me rastin e Përvjetorit të 20-të të Prokurorisë Federale të Belgjikës që u mbajt në Bruksel në datën 4 tetor 2022, në sallën Hemicycle of the Senate.

Pjesëmarrja e përzgjedhur në këtë ceremoni sinjifiaktive për Belgjikën, por edhe unitetin gjyqësor europian përbëhej nga funksionarë të lartë të Brukselit, por edhe më gjerë si: Kryeprokurori Federal Belg, z. Frederic Van Leeuw, President i Senatit Belg, znj. St?phanie D’Hose; Ministri i Drejtësisë Belge, z. Vincent VanQuickenborne; Ministër i Brendshëm, znj. Annelies Verlideen; Prokurori i Prokurorisë Kombëtare Franceze të Antiterrorit, z. Jean-Francois Ricard, Kryeprokurori Publik i Prokurorisë Kombëtare Hollandeze, z. John Lucas, Prokuror i Përgjithshëm i Serbisë, znj. Zagorka Dolovac, Drejtues i Prokurorisë kundër Krimit të Organizuar dhe Terrorizmit në Rumani, znj. Oana Daniela Patu si dhe Prokurori i Përgjithshëm i RSH, z. Olsian Çela.

Krimi i organizuar dhe pastrimi i parave/ Arben Kraja dhe Olsian Çela

Në sesion u diskutua përvoja 20-vjeçare e Prokurorisë Federale Belge.

Të gjithë diskutantët ishin në një linjë, që krijimi dhe jetëgjatësia e një strukture prokurorie të specializuar dhe qendrore është e domosdoshme për të pasur sukses në luftën kundër krimit të organizuar, pastrimit të parave dhe terrorizmit.

Vendosja e kontakteve dhe bashkëpunimi ndërkombëtar ndërmjet prokurorive të posaçme është e domosdoshme për të arritur suksesin.

Gjithashtu, u theksua fakti që lufta kundër krimit të organizuar ndërkombëtar dhe terrorizmit është një betejë e gjatë dhe e vazhdueshme, që duhet realizuar në bashkëpunim të ngushtë ndërmjet strukturave të zbatimit të ligjit.

Drejtuesi i SPAK-ut zhvilloi takime me personalitetet e ftuara dhe veçanërisht me drejtuesit e prokurorive prezente në takim, në kuadër të vendosjes së kontakteve të reja. SPAK është i vendosur që bashkëpunimin e shkëlqyer që ekziston me Prokurorinë Federale Belge ta vazhdojë duke dhënë më shumë rezultate konkrete./CNA.al