web counter
LEXO PA REKLAMA!

SHKARKO APP

App Store
Google Play

E fundit!

x

“Hallin që ka Veliaj nuk ia zgjidh dot”/ Aulon Kalaja: Ishte seanca e 8, nuk tërhiqem nga asnjë deklaratë

11 Shkurt 2026, 16:44, Aktualitet CNA

Është zhvilluar seanca e radhës në Gjykatën e Tiranës (Dhoma Penale) lidhur me padinë për shpifje të ngritur nga Kryetari i arrestuar i Bashkisë Tiranë, Erion Veliaj, ndaj aktivistit Aulon Kalaja.

Sipas Kalasë, kjo ishte seanca e tetë në kuadër të këtij procesi gjyqësor. Gjatë seancës u paraqitën dhe u shqyrtuan një pjesë e provave të depozituara nga ai dhe ekipi i tij mbrojtës.

Aktivisti deklaroi se ka paraqitur materiale audio dhe video, të cilat sipas tij, vërtetojnë publikisht qëndrimet dhe deklaratat e bëra më herët në media.

Seanca zgjati rreth dy orë, ndërsa u shqyrtua afro gjysma e provave të paraqitura nga mbrojtja. Gjykata vendosi shtyrjen e seancës për të vijuar me administrimin e provave të tjera.

Seanca e ardhshme është caktuar më 19 shkurt, në orën 14:00. Kalaja e ka cilësuar padinë si “padi strategjike”, ndërsa çështja vijon të jetë në shqyrtim nga Gjykata e Tiranës.

Ndër të tjera, Kalaja theksoi se nuk është tërhequr nga asnjë deklaratë, ndërsa nënvizoi se është një padi strategjike e Veliajt sepse hallin që ka nuk ia zgjidh dot.

“Seanca me shqyrtimin e provave, për pretendimet e Kryetarit të Bashkisë Tiranë Erion Veliaj, ndaj meje, për shpifje. Deri tani 8 seanca.

Përfunduam seancën e radhës në Gjyaktën e Tiranës (Dhoma Penale), ku u shfaqën provat e mia dhe ekipit tim mbrojtës. Me video dhe audio kam vërtetuar para gjykatës të gjitha çfarë kam shprehur në media dhe nuk jam tërhequr nga asnjë deklaratë. U shqyrtuan afro gjysma e provave dhe seanca u ndërpre pas 2 orësh. U caktua seanca e radhës me datë 19 shkurt, ora 14:00, ku do meren parasysh provat e tjera.

Theksoj se kjo është padi strategjike nga ana e zotit Veliaj, sepse hallin që ai ka nuk ia zgjidh dot!”, ka theksuar Kalaja./ CNA





Lajmet e fundit nga