web counter
LEXO PA REKLAMA!

SHKARKO APP

App Store
Google Play

Guliem Radoja: Pse u shite miku im, a ke fytyrë?

8 Maj 2026, 22:40, Aktualitet CNA

Në një kohë që një tufë artistësh i lëpihen kryebashkiakut të arrestuar të Tiranës, Erion Veliajt, mesazhi i një kolegu të tyre në një nga protestat për prishjen e teatrit, është më aktual se kurrë.

Guljem Radoja, shprehej në korrik të 2019, se aktorët dhe teatri janë të depolitizuar, por pavarësisht kësaj partitë politike arritën t'i ndajnë.

Aktori i ndjerë, në këtë fjalim të fortë nuk i kursen kritikat dhe ndaj kolegëve të tij që shitën dhe sakrifikuan dinjitetin e tyre njerëzor dhe artistik për interesa të tjera.

“Dikush nga kolegët e mi, i tha dikujt “Unë shkela mbi dinjitetin tim”. Po pse shkele more mik? A ka gjë më të madhe se sa dinjiteti? Secili prej nesh këtu kur lanë faqet në mëngjes sheh veten dhe thotë një fjalë; çfarë bëra dje, sa dinjitoz qesh dje, pse të isha qesharak dje? Unë që flas jam shumë i qetë, jam pensionist, kam 10 vjet në pension, i marr këtij shteti aq sa më jep.

Pse u shite miku im? Pse u shite kolegu im? Çfarë pakti bëre me djallin ti që shkele mbi dinjitetin? Mirë njerëzor, po artistik? Ku është? Unë jam në Durrës, banoj në Durrës, vij rrallë këtu tek ju, por jam me ju. Por unë iu them gjithë kolegëve të m'i që kanë mbetur, mos ta politizojmë kauzën tonë. Le të na mbështesin partitë politike. Ne jemi ne, teatri është teatër, qytetarët e Tiranës, artëdashësit janë me ne”, shprehej aktori i ndjerë, Guliem Radoja. /CNA





Lajmet e fundit nga