E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Gazetari zbardh bisedën mes dy ish-sigurimsash/ Si i etiketonin “fëmijët e përdhunimit”

26 Tetor 2022, 09:51, Aktualitet CNA

Gazetari zbardh bisedën mes dy ish-sigurimsash/ Si i etiketonin

Hapja e dosjesve, ish-sigurimsat vijojnë te jenë tema diskutimi.

Gazetari Agim Xhafka, ka ndarë në rrjete sociale një bisedë mes dy ish-sigurimsash se si i etiketonin fëmijët e përdhunimit.

“Ka vite që të dy e pinë kafen te lokali poshtë shtëpisë. Nesti me Gaqon kanë qenë sigurimsa.

U fshehën ca vite, por më pas dolën nga strofulla dhe rrinë me sytë nga rruga. Marrin pension si ushtarakë e përgojojnë këdo që kalon në rrugë. Bëjnë atë punë që kanë bërë nëpër vite e vite. E më së shumti dëgjoj në bisedat e tyre fjalët “kopili im, kopili yt”.

-Është bërë me dy çuna kopili im! -i thoshte Gaqo Nestit.

-Kopili i Korçës, i Beratit apo ai i Matit?

-I Korçës, i Korçës. Ai i Beratit ka tri goca, ndërsa kopili i Matit ngeli beqar.

-Unë kam pesë kopilë në Tiranë. Të rehatuar të pestë. Ai më i madhi bën ndërtime. E ka kapur veten. Milionier, për zotin milionier”, shkruan Xhafka.

Gazetari e vijon më tej rrëfimin dhe duke zbërgyer bisedën e tyre.

“U çudita mes këtyre fjalëve, kopili im, kopili yt. Doja t’i pyesja, por nga që ndjej neveri për njerëz si ata heshta. Kur dola më sqaroi Golja, banakieri.

-Kanë vite që u ka ngel në gojë fjala kopil. Kanë qënë hetues nëpër Shqipëri e kanë përdhunuar plot vajza e gra. Më pas disa janë bërë me fëmijë e këta nuk guxojnë të quhen baballarët e tyre, siç nuk mendojnë t’i quajnë djem apo goca lindur nga kafshëria e njerëzve pa skrupuj. Ende i përbuzin dhe argëtohen me dhimbjen e viktimave. I quajnë kopila,bëjnë edhe sot luftë klasash.

Ndjeva dhimbje për ato mote dhe neveri për këto dy mortje.

Ndërsa po dilja në tv lexova titrat: ”Kuvendi me 94 vota miratoi Ligjin për Hapjen e Dosjeve të Bashkëpunëtorëve të Sigurimit”. Qesha me hidhësi. Për sigurimsat ky shtet ka siguruar pensione të mira, dinjitoze.

-Kopila të vërtetë në kuptimin përbuzës të fjalës janë ata dy kafshët atje ,-i thashë Goles dhe me gisht tregova Nestin e Gaqon. Dhe e përplasa fort derën. Sikur doja të burgosja xhelatët që marrin pension dhe rrinë në kafe duke përgojuar shqiptarët”, shkruan më tej Xhafka./CNA.al