web counter
LEXO PA REKLAMA!

SHKARKO APP

App Store
Google Play

E fundit!

x

Formula e televotimit në RTSH, 7×7=42

23 Dhjetor 2024, 13:07, Aktualitet CNA
Formula e televotimit në RTSH, 7×7=42
Foto ilustruese

Urime fituesve të Festivalit të 63-të të Këngës në RTSH, Shkodra Elektronike! Shumë fat dhe suksese në ESC 2025 – e sigurt që do t’ju shkojë mbarë për origjinalitetin që sjell në elementët etnikë e në performancë!

Edhe pse ishte një batutë shpjegimi i formulës në RTSH Shkollë, tani është më shumë se kuriozitet të dëgjohet shpjegimi i saj.

1.  Pyetja mbi formulën e pikëve

Nëse:

•    Juria jep 50% të pikëve,

•    Votimi nga diaspora jep 25%, dhe

•    Televotimi jep 25%,

atëherë si ka mundësi që:

•Juria në total jep 406 pikë (një anëtar jurie jep 58 pikë gjithsej, të 7 bashkë japin 406 pikë)

•Diaspora vetëm 80 pikë, dhe

•Televotimi po ashtu vetëm 80 pikë?

Çfarë formule është kjo?

2.Problemi me shpërndarjen e pikëve

•Është e pranueshme që pikët e diasporës të shpërndahen në 10 artistë finalistë, por si ka mundësi që ato shpërndahen në vetëm 6 artistë, ndërsa 9 artistë marrin 0 pikë?

•Po ashtu, është e pranueshme që pikët e televotimit të shpërndahen në 10 artistë finalistë, por pse ato shpërndahen vetëm në 9 artistë, duke lënë 6 artistë me 0 pikë?

3.Kërkesa për transparencë

Ashtu siç ishte transparent votimi i jurisë, do të ishte e udhës që:

•Formula duhet të ishte pjesë e rregullores së Festivalit të 63-të të Këngës në RTSH (https://festivali.rtsh.al/pages/rregullore)

•Të bëhej publik numri total i votave,

•Të shpjegohej sa vota ka marrë secili artist,

•Të tregohej qartë si është arritur rezultati i diasporës dhe televotimit.

Nuk është qëllimi që të vihet në dyshim fituesi apo që aplikimi i saktë i formulës së televotimit dhe asaj të diasporës të ndikojë në rezultat dhe në renditjen përfundimtare.

Por është detyrim i RTSH-së si media publike dhe organizatore e Festivalit të Këngës të garantojë transparencë dhe trajtim të barabartë e të drejtë të të gjithë artistëve pjesëmarrës./ CNA





Lajmet e fundit nga