web counter
LEXO PA REKLAMA!

SHKARKO APP

App Store
Google Play

E fundit!

x

Debati publik, është apo jo censurë mbyllja e “TikTok”-ut?

23 Dhjetor 2024, 12:39, Aktualitet CNA

Debati publik, është apo jo censurë mbyllja e

Dy ditë më parë, qeveria Rama doli me njoftimin e vendimit për mbylljen e “TikTok”-ut në Shqipëri. Ky vendim u mor pas 1300 takimesh dhe anketimesh ku mbi 90% e prindërve e kërkuan bllokimin e kësaj platforme.

Në fakt kjo nisi si shkak i ngjarjes së rëndë në shkollën “Fan Noli” ku mbeti i vrarë një 14-vjeçar.

Prej ditësh ka një debat publik është apo jo censurë vendimi për të mbyllur “TikTok”-un.

Të shumta kanë qenë reagimet, duke thënë se ky është një vendim elektoral apo se është një akt censure.

Si mund të quhet censurë ku në fakt ka dhjetëra rrjete sociale ku mund të shpërndash dhe marrësh informacion të dobishëm.

Pse është censurë ku kemi të bëjmë me një rrjet social pa filtra, ku është e lejueshme të përdoresh një gjuhë banale, vulgare, ku në këtë rrjet social qarkullojnë përmbajtje të papërshtatshme për një audiencë të gjerë.

Filtrat në “TikTok” janë të munguara. Është një rrjet social që nuk kontrollon dhe nuk fut në filtra gjuhën që përdoret apo përmbajtjet në videot që shpërndahen, duke sjellë kështu një ndikim negativ në shoqëri.

Janë me dhjetëra raste të raportuara për dhunën që nis në këto rrjete sociale. Kemi parë mjaft personazhe që bëhen viralë në rrjetin social “TikTok” dhe shajnë, fyejnë dhe flasin me një gjuhë urrejtjeje ndaj njëri-tjetrit duke e degraduar dhe eskaluar debatin deri në dhunë fizike.

Por përtej kësaj, jo vetëm Shqipëria po merr një vendim të tillë për bllokim të rrjetit social.

Shumë vende të tjera në botë janë në dilemën për të mbyllur apo jo këtë rrjet social dhe po kërkojnë, hulumtojnë që të kufizojnë aksesin në “TikTok”, për të miturit nën 16 vjeç. Ligjvënësit nga të dyja partitë kryesore politike të SHBA-së mbështetën një ligj që ndalon “TikTok”-un, përveç nëse ByteDance pranon t’ia shesë një kompanie jokineze.

Ata kanë frikë se qeveria kineze mund ta detyrojë ByteDance të dorëzojë të dhëna rreth 170 milionë përdoruesve të “TikTok”-ut në SHBA.

Po ashtu Australia ndaloi përmes një ligji që u votua në parlament, përdorimin e “TikTok”-ut nga të miturit nën 16 vjeç.

Pra një sërë vendesh po marrin masat për shkak të ndikimit që ka kjo platformë në shoqëri, ndër to edhe Shqipëria.

Liria pa kufi sjell anarki./ CNA





Lajmet e fundit nga