E fundit!

11:40 Aktualitet

Fluksi i sezonit turistik/ Hita njofton masat shtesë në Aeroportin e Rinasit

Drejtori i Përgjithshëm i Policisë së Shtetit, Skënder Hit...

Sulmet kibernetike/ Rama "hi syve" popullit: Na sulmuan se jemi zhvilluar

16 Tetor 2022, 14:58, Aktualitet CNA

Sulmet kibernetike/ Rama "hi syve" popullit: Na sulmuan se jemi

Sulmet kibernetike që prekën sistemet online pak kohë më parë, nxorën zbuluar të dhënat e mijëra shqiptarëve. Hakerat iranianë arritën të mbanin të bllokuar edhe punën e sistemit TIMS, duke alarmuar instancat shtetërore pak javë më parë.

Pas këtij sulmi menjëherë u vu në diskutim siguria e sistemeve online në vend, ku ekspertët janë shprehur se sistemet janë "ç'montuar".

Nga ana tjetër kryeministri Rama sot përmes një statusi në "Facebook", tregon se Shqipëria është sulmuar së pari sepse është një vend i përparuar dhe digjital dhe së dyti sulmi dështoi sepse qeveria ka investuar si duhet në teknologji.

"Shumëkush flet përçart për sulmin kibernetik mbi Shqipërinë, duke harruar dy fakte të thjeshta, e para se jemi sulmuar pikërisht ngaqë jemi zhvilluar (po të ishim akoma me sportele në shi e në diell, s’do na sulmonin dot) dhe e dyta, se sulmi ka dështuar pikërisht sepse kemi investuar si duhet, duke bërë shumë me pak, e duke u renditur ndër vendet më të zhvilluara për shërbimet publike online."- shkruan Rama.

Përmes publikimit të Raportit të Kombeve të Bashkuara për Zhvillimin Digjital në vendet anëtare, Rama u përpoq të bindë popullin se çdo gjë është në rregull.

Përmes fotove të paraqitura Rama tregon se Shqipëria renditet e 9-ta në Europë dhe e 19-ta në botë sa i takon cilësisë së shërbimeve online.

Statusi

Këto tabela janë nxjerrë nga Raporti i Kombeve të Bashkuara për Zhvillimin Digjital të vendeve anëtare. Shqipëria renditet e 8-ta në Europë dhe e 19-ta në botë për Shërbimet Publike Online, një lajm shumë i bukur për t’u përcjellë nga kanalet e nga portalet që nxijnë përditë nga balta e gjysëm të vërtetave, sajesave, akuzave, sharjeve e banaliteteve gjithëfarësoj

Por më e rëndësishme akoma, një lajm për të vërtetën e madhe dhe të mohuar masivisht, se Shqipëria e sporteleve me hekura, e turmave nëpër radha për të marrë një copë letër, e bakshisheve për çdo shërbim në sportel i takon të shkuarës
Ka ende shumë për të bërë kundër korrupsionit dhe për forcimin e administratës, po ama për 1225 shërbime publike (95% e gjithë shërbimeve) vendi ynë e ka zhdukur korrupsionin, duke u ngjitur në pozicione që deri para disa vitesh as mund të imagjinoheshin, nga fundi i pusit ku e nisëm rrugën e #RevolucionitDigjital
*Shumëkush flet përçart për sulmin kibernetik mbi Shqipërinë, duke harruar dy fakte të thjeshta, e para se jemi sulmuar pikërisht ngaqë jemi zhvilluar (po të ishim akoma me sportele në shi e në diell, s’do na sulmonin dot) dhe e dyta, se sulmi ka dështuar pikërisht sepse kemi investuar si duhet, duke bërë shumë me pak, e duke u renditur ndër vendet më të zhvilluara për shërbimet publike online.