E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Dumani ngre alarmin: Gjyqtarë e prokurorë që kanë kaluar vetingun, premisa për korrupsion

25 Nëntor 2024, 11:15, Aktualitet CNA

Dumani ngre alarmin: Gjyqtarë e prokurorë që kanë kaluar

Kreu i SPAK-ut, Altin Dumani, ka qenë pjesë e tryezës së organizuar nga Shoqëria Civile, për luftën kundër korrupsionit.

Dumani kërkoi që Shoqëria Civile të bashkëpunojë me SPAK-un për tematika të caktuara.

“Shoqëria Civile është e ftuar të bashkëpunojë me SPAK-un për tematika të caktuara”, tha Dumani.

Më tej, kreu i Prokurorisë së Posaçme foli për procesin e vetingut ku sqaroi se SPAK-u sot që flasim ka marrë në ndjekje penale gjyqtarë të Gjykatës Kushtetuese, gjyqtarë të Apelit, prokurorë të Përgjithshëm, të Shkallës së Parë, oficerë të Policisë Gjyqësore.

Por ngriti shqetësimin se problem nuk përbëjnë ata gjyqtarë apo prokurorë që janë shkarkuar, por ata që kanë kaluar procesin dhe janë ende pjesë e sistemit.

“Ne nuk kemi qenë të verbër apo të shurdhër nga pretendimet e programeve të vetingut. Ne kemi regjistruar procedim penal në bazë të funksionit tonë duke marrë shkak dhe shërbyer si inidicie vetëm nga organet e vetingut.

Ne jemi të kujdesshëm dhe përpiqemi që persona të caktuar në institucion të bëjnë një filtrim të organeve të vetingut nëse në pamje të parë kemi indicie të korrupsionit ne kemi regjistruar procedim penal për gjykatë. Sa u takon mjeteve të provës dua të bëj një dallim për veprën penale, nuk lejohet përgjimi sepse nuk parashikon kriteret e neneve, ne i kemi përdorur llojet e përgjimeve apo mjete të tjera të kërkimit të provës.

Sa i takon në tërësinë e tyre, sot që flasim SPAK-u ka marrë në ndjekje penale gjyqtarë të Gjykatës Kushtetuese, gjyqtarë të Apelit, prokurorë të Përgjithshëm, të Shkallës së Parë, oficerë të Policisë Gjyqësore.

Shqetësimi më i madh nuk janë ata që janë shkarkuar, por ata që e kanë kaluar këtë proces dhe janë ende pjesë e sistemit dhe është rrezik sepse po kryejnë korrupsion”, tha Dumani./ CNA