E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

Drejtori i Sigurisë në AKSHI paralajmëron sulme të tjera kibernetike

13 Shtator 2022, 10:52, Aktualitet CNA

Drejtori i Sigurisë në AKSHI paralajmëron sulme të tjera

Drejtori i Sigurisë në AKSHI, Enis Ylli, ka folur lidhur me sulmet kibernetike më të cilat është ndeshur vendi ynë së fundmi. Në një dalje televizive në "A2 CNN", Ylli ka theksuar se në vijim do të ketë sulme të tjera kibernetike, pas dy sulmeve, atij të e-Albania dhe në sistemin TIMS.

Sipas tij, qëllimi i hakerave është destabilizimi i vendit.

“Duhet të dimë që duhet të qëndrojmë në alarm. Nuk është vetëm sektori bankar, por edhe sistemi zgjedhor, energjetika dhe gjithçka që na prek në përditshmërinë tonë se qëllimi është krijimi i destabilitetit në vend. Kjo është luftë që do të vazhdojë ne duhet të mësohemi me ekzistencën e saj”.

Duke i cilësuar sulmet kibernetike si luftën e shekullit të XXI-të, Ylli thekson se duhet investuar më shumë në monitorim, ndërsa vlerëson mbështetjen e partnerëve ndërkombëtarë.

“Që të kuptohet rëndësia e sulmeve kibernetike që është lufta e shekullit XXI. Ne kemi kërkuar vazhdimisht dhe jemi mbështetur. Ajo që duhet investuar është pjesa e monitorimit. 7 miliardë dollarë ka investuar Irani në hakerim, Shqipëria e ka buxhetin sa gjysma e kësaj shume.

Ne po bëjmë analizim të situatës për t’ju përgjigjur në përpjestim të drejtë riskut. Deri në këto momente siguria që kemi vendosur është në përpjestim me riskun tonë, nëse ky risk do të rritet do të kërkojë analizim dhe fokusim më të madh në sigurinë kibernetike të Shqipërisë”.

Sa i takon shitjes së të dhënave të TIMS, Ylli theksoi se ka një lloj skepticizmi për blerjen e tyre, pasi sipas tij kostoja është e ulët në krahasim me vlerën që pretendohet të kenë këto të dhëna.

“Nuk kemi tentuar t’i blejmë dhe jemi skeptikë për të dhënat që pretendohet se kanë, se vetë fakti që këto të dhëna në atë sasi dhe çmim mund të mos jetë e vërtetë dhe duke studiuar të dhënat kjo kosto për të dhënat që kanë është shumë e ulët. Pse kërkohet kjo? Është për të krijuar destabilitet dhe shqetësim në popullatë”.

Nga analizat e deritanishme, në bashkëpunim me FBI-në dhe Microsoft, për të cilat Ylli bën të ditur se kjo vjen nga lufta që kanë dy palët në Iran, qeveria dhe opozita iraniane.