web counter
LEXO PA REKLAMA!

SHKARKO APP

App Store
Google Play

E fundit!

x

Do përfshihet në politikë?/ Si përgjigjet Samir Mane

22 Qershor 2023, 23:00, Aktualitet CNA

Do përfshihet në politikë?/ Si përgjigjet Samir Mane

Biznesmeni shqiptar, Samir Mane, është pyetur mbrëmjen e sotme nëse do të përfshihet në poliutikë.

Në një intervistë me Blendi Fevziun, Mane deklaroi se nuk e ka një ambicie të tillë. Ai theksoi se është i fokusuar te bizneset e tij, të cilat tha se janë përhapur në rajon dhe Evropë.

Pjesë nga biseda:

-Cilat janë raportet tuaja me politikën?

Samir Mane: Nuk kam ndonjë raport special, njerëzit thonë mirë me këtë, mirë me atë.

-Ju duhet ta keni mirë, përderisa merreni me biznes…

Samir Mane: Padyshim, një gjë është e sigurt që zhvillimi i Shqipërisë më intereson mua po aq sa u intereson gjithë politikanëve të vendit, ndoshta dhe më shumë. Se ata mbarojnë zgjedhjet, shkojnë në punë të vet, unë këtu do jem.

-A kanë qenë korrektë me ju Berisha si kryeministër, Rama si kryeministër, pra kryetarët e bashkive gjatë këtyre viteve që jeni në Shqipëri?

Samir Mane: Përsa kohë unë nuk kam marrëdhënie me shtetit, natyrisht marrëdhëniet janë më të mirat. Nuk kam tendera publikë, është zgjedhja ime. Për “Neptunin”, “Jumbo”, TEG-un” e këto nuk më duhet politika, padyshim jam i vëmendshëm ndaj politikës.

-Ndërkohë vetë, a keni ambicie politike?

Samir Mane: Nuk kam dashur të hyj në politikë.

-Keni pasur oferta?

Samir Mane: Edhe mund të thuhet ndonjë llaf andej këtej, por s’kam asnjë ambicie politike. Biznesi im nuk është vetëm Shqipëria, por rajoni, Evropa dhe ndoshta bota. Kështuqë s’kam asnjë lloj ambicie./ CNA.al





Lajmet e fundit nga