web counter
LEXO PA REKLAMA!

SHKARKO APP

App Store
Google Play

E fundit!

x

Ditët e Kujtesës ndaj persekutimit komunist/ Aktiviteti në Shkodër bashkon aktivistë e qytetarë

20 Maj 2025, 15:47, Aktualitet CNA

Ditët e Kujtesës ndaj persekutimit komunist/ Aktiviteti në

Në Shkodër ka nisur përkujtimi i Ditëve të Kujtesës që simbolizojnë qëndresën ndaj persekutimit komunist për rreth 45 vite me radhë. Drejtuesi politik i PD-së në këtë qark, Luçiano Boçi tha se në ditët e sotme Shqipërinë e drejtojnë po ata që ishin dje.

Ditët e Kujtesës ndaj persekutimit komunist/ Aktiviteti në

“Ata që janë sot janë po ata që ishin dje dhe kanë lindur nga po i njëjti bark. Ka ndryshuar vetëm pozicioni i yllit. Dikur e kishin në ballë, sot e mbajnë në gjoks. Dikur premtonin lugën e florinjtë ndërsa sot premtojnë pasaportën e BE-së. Janë të njëjtët që realizojnë këtë luftë me vlerat, me parimet e lirisë dhe demokracisë, dhe prandaj ne duhet të mbajmë lart historinë dhe kujtesën për këta burra dhe gra që frymëzojnë brezat, frymëzojnë veten tonë, shoqërinë tonë që misionin e tyre që nuk e çuan deri në fund, ta realizojmë ne”,-tha Boçi.

Ditët e Kujtesës ndaj persekutimit komunist/ Aktiviteti në

Anëtarë të shoqatës së ish-të persekutuarve politikë që organizojnë Ditët e Kujtesës u shprehën se politika shqiptare në 35 vite ka lënë në harresë këtë shtresë.

 “Këto 35 vite politika shqiptare nuk e ka kryer detyrën e vet kundrejt kësaj shtrese. Ka pasur shumë premtime, por sot jemi në një gjendje të dëshpëruar sepse më pak se gjysma e atyre që kanë të drejtën e shpërblimit për vuajtjet e tyre, nuk janë shpërblyer. Krijohet ideja se dikush pret që të kalojnë brezat sepse një brez kaloi në 25 vite, ne jemi në vitin e 35-të dhe duan që të kalojnë brezat dhe të vdesin njerëzit. I bëjmë thirrje politikës shqiptare që të kujdeset për këtë shtresë. Mos harroni se përparimi i shqiptarëve arrihet vetëm nëse jemi bashkë, përndryshe nuk ka të ardhme të sigurtë dhe të qëndrueshme. Të mos harrojmë se kanë kaluar 35 vite dhe figura e kriminelit Enver Hoxha, lugatit, ende shfaqet anë e mbanë në Shqipëri, rrezik më shumë edhe se heroi ynë kombëtar Skenderbeu. Të mos harrojmë se kanë kaluar 35 vite dhe kujtesa historike nuk futet në shkolla. Ata njerëz që drejtojnë mendoni se janë budallenj, jo, janë shumë të zgjuar. Pse ata nuk e vendosin në shkolla të kaluarën komuniste? Mos harroni se ende vazhdojnë filmat propagandistikë ku kleriku shfaqet imoral, tradhtar, i keq apo intelektuali që ka kryer shkolla jashtë shfaqet i poshtër apo se borgjezi nuk duhet gjë se është tradhtar dhe me këtë frymë këto filma edukojnë dhe askush nuk e çon zërin. Nuk jemi kundër filmave të RTSH, por jemi kundër propagandës të helmuar komuniste me të cilën tentohet që të edukohet brezi i ri. Kemi shumë detyra për të bërë dhe nuk mund t’i bëjmë vetëm ne që jemi këtu pa ndihmën e të tjerëve”,-tha ish-i përndjekuri politik, Filip Guraziu.  

  Ditët e Kujtesës ndaj persekutimit komunist/ Aktiviteti në

Dy ish-të përndjekurit, Guraziu dhe Beqi ndanë thirrjen e tyre.

 “Politikanët shqiptarë janë të detyruar që të veprojnë si politikanët gjermanë, që e pranuan nazizmin dhe e ndëshkuan edhe nazistin e fundit. Unë jam një nga ata që mund të isha në varr sot dhe falë Zotit jam gjallë. Ky monument në Shkodër do të jetë i përjetshëm dhe do të bëjmë edhe një tjetër në emër të të pushkatuarve në Shkodër. Do të insistojmë deri sa të aprovohet dhe do të bëhet se s’bën. Do t’u kërkojmë edhe institucioneve ndërkombëtare sepse unë e dua pasaportën e BE-së, por nëse nuk bëhet rishkrimi i historisë, dekomunistizimi i Shqipërisë sepse ne i kemi falur ata sepse kanë kaluar 35 vite dhe nuk kemi vrarë asnjë naga ata. Ne nuk vrasim sepse nuk jemi si ata, por edhe aq të lodhur sa t’i falim fare dhe të mos e bëjmë historinë për fëmijët tanë dhe paasardhësit tanë nuk jemi",-tha ish-i përndjekuri politik, Gjekë Beqi.   

Ditët e Kujtesës ndaj persekutimit komunist/ Aktiviteti në

Ditët e Kujtesës nisën pranë memorialit të vendosur 6 vite më parë në qendër të Shkodrës, që përkujton torturat e regjimit komunist ndaj të përndjekurve politikë. Në Shkodër, gjatë viteve të regjimit monist, janë pushkatuar rreth 600 persona, 3000 të tjerë janë burgosur ndërsa mbi 1900 familje kanë vuajtur tortura nga më të tmerrshmet./CNA





Lajmet e fundit nga