web counter
LEXO PA REKLAMA!

SHKARKO APP

App Store
Google Play

Denoncon PD/ Fondet e universitetit janë përdorur për zgjedhjet

25 Tetor 2022, 10:55, Aktualitet CNA

Denoncon PD/ Fondet e universitetit janë përdorur për zgjedhjet

Partia Demokratike ka denoncuar abuzimet që ndodhin me fondet në Universitetet Publike.

Përmes një statusi në "Facebook", kryetari i Forumit Rinor të PD-së, Besart Xhaferraj, shprehet se bordet japin rroga për qoka.

Xhaferraj vijon më tej duke shprehur se i është dhënë një “borxh” pa interes Ministrisë së Arsimit në shtator të vitit 2021, në funskion të zgjedhjeve të 25 prillit.

“Janë një shifër e konsiderueshme, 70 milionë lekë ose afërsisht 700.000 dollarë amerikan, ose mbi 10.000 vota sipas bursës socialiste të blerjes dhe shitjes së votave!"- shprehet Xhaferraj.

Deklarata e plotë:

“Abuzimi me fondet nga Universitetet publike në Shqipëri është një fakt që askush nuk mund ta kundërshtoj!

Borde ku jepen rroga për qoka, fatura sigurie që i kanë zili edhe centralet bërthamore dhe së fundmi dhënie "borxhi" pa interes Ministris së Arsimit në Shtator 2021, sepse ishin shkundur arkat për të vjedhur zgjedhjet e 25 Prillit! Ato para nuk kanë njoftim zyrtar që janë kthyer akoma dhe nga mungesa e interesit nuk do indeksojnë as inflacionin!

Janë një shifër e konsiderueshme, 70 Milion Lek ose afersisht 700.000 Dollar Amerikan, ose mbi 10.000 vota sipas bursës socialiste të blerjes dhe shitjes së votave!

Skandal! Në vend që ministria t'i japi borxh universiteteve për t'i mbështetur në një botë që dita ditës i beson inovacionit dhe shkencës për t'u zhvilluar, ndodh e kundërta! Universiteti i Tiranës ndihmon indirekt në blerjen e votave apo punësimet 3 mujore në administratë para 25 Prill 2021!

Çdokush njeri që e quan veten akademik nuk do e kishte pranuar këtë skandal! Për fat të keq njerëzit në krye të universiteteve publike nuk janë të zgjedhur si akademik, por si politik dhe zgjatime të ministrisë dhe qeverisë!

Të na rroj autonomia e universiteteve!”/CNA.al





Lajmet e fundit nga