web counter
LEXO PA REKLAMA!

SHKARKO APP

App Store
Google Play

Palermo- “Jo veç mafie”/ Gazetarja e "Euronews" bën qytetin të flasë shqip

24 Tetor 2022, 23:10, Aktualitet CNA
Palermo- “Jo veç mafie”/ Gazetarja e "Euronews"
Gazetarja Ilnisa Agolli

Siç dhe është bërë e njohur prej disa muajve, Ilnisa Agolli tashmë i është bashkuar gjigantit mediatik "Euronews" me qendër Shqipërinë.

Ajo që ngjalli jo pak kuriozitet në shtypin e shkruar këtë muaj, ishte roli i saj në përballjen e kësaj sfide të re. Qoftë për të bashkuar shqiptarët e shpërndarë në çdo cep të globit, po aq sa për t’i treguar botës se ngjarjet e mëdha në rrotën e historisë mund të rrëfehen edhe nga gazetarë që vijnë nga një vend i vogël si ky yni.

Agolli, pas një rrugëtimi të gjatë nëpër fshatrat e Shqipërisë si dhe vendeve të Ballkanit, rikthehet me këtë projekt që kapërcen kufijtë. Kufij jo vetëm gjeografik, por edhe ato të kulturave, mendimeve, botëkuptimeve njerëzore.

Në një realitet si yni ku kapërcimi i sinoreve dikur ishte një ëndërr e frikur apo një mëkat vdekjeprurës, sot kufijtë kanë një tjetër kuptim.

E për ta njohur këtë, Agolli ka nisur një mision i cili nuk sjell veç panoramën e një tjetër bote nga e jona, por na bën të kuptojmë dhe reflektojmë.

Agolli ka vizituar së fundmi Palermon ku nën optikën e saj do shohim anën tjetër të këtij qyteti që dikur të ngjallte ankth kur e kujtoje për shkak të historisë, ndërsa pas këtij dokumentari tundimi për ta vizituar bëhet akoma edhe më i madh.

"Euronews" zbulon sekretet e Palermos, qytetit që vret me këngë. Keni dëgjuar shumë për Palermon, keni njohur historinë e Giovani Falcones, jeni intriguar me bëmat e mafies por ama ende nuk e njihni realitetin tjetër. Atë të një qyteti që zgjohet me adrenalinë dhe fle me kureshtjen se çdo të ndodhë nesër.

Cila është e vërteta Palermos?/ Euronews





Lajmet e fundit nga