web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI/ Qeveria nis procedurat për koncesionin 100 mln euro të certifikatave dhe firmës elektronike

27 Shtator 2023, 11:18, Aktualitet CNA

DENONCIMI/ Qeveria nis procedurat për koncesionin 100 mln euro të

Gazetari Klodian Tomorri ka denoncuar se Ministria e Financave ka nisur procedurat për të dhënë me koncesion infrastrukturën e çelësve publikë (PIK). 

Sipas gazetarit, kjo infrastrukturë aktualisht përfshin dy shërbime, certifikata digjitale për efekt të fiskalizimit si dhe nënshkrimi elektronik.

Këto shërbime janë të detyrueshme me ligj dhe kostoja që biznesi paguan për blerjen e tyre është 8 800 lekë ose 84 euro në vit. Tarfia që paguajnë bizneset arkëtohen nga AKSHI. Por, sipas Tomorrit me dhënien e koncesionit nga qeveria këto para do të shkojnë në llogarinë e privatit. 

Gazetari përmend edhe shkrimin e "Kapital.al" ku theksohet se në lidhje me këtë koncesion Ministria e Financave ka nisur një grup të posaçëm pune, i cili do të hartojë termat e referencës në tenderin për dhënien me koncesion të infrastrukturës së çelësave publikë.

Sipas tij, trupi i punës përbëhet nga punonjës të Agjencisë së Koncesioneve, AKSHI-t, Tatimeve dhe Qendrës Kombëtare të Biznesit.

"Ndërkohë një javë më parë, Ministria e Financave u ka nisur kërkesë 5 kompanive shqiptare që të paraqesin ofertat paraprake për qëllimin e studimit të tregut. Kjo është faza e fundit procedurale përpara shpalljes së tenderit për dhënien me koncesion. Sipas 'Kapital.al' ka mundur ta lexojë shkresën, edhe pse e gjithë procedura po zhvillohet në mënyrë sekrete dhe jotransparente, përfshirë përzgjedhjen e 5 kompanive, të cilave u është kërkuar oferta. Në shkresë, Ministria e Financave kërkon nga kompanitë të japin ofertat për qëllimin e studimit të tregut dhe përcaktimit të fondit limit të koncesionit. Dhe ky është një biznes gjigant", shprehet Tomorri. 

Teksa bën përllogaritjet, gazetari thekson se 10 vitet e ardhshme nëpërmjet këtij koncesioni do t'u merren shqiptarëve minimalisht 100 milionë euro në vit.

"Por kjo është vetëm shifra dysheme. Ky koncesion ka potencialin që të rritet në mënyrë eksponenciale, teksa qeveria detyron me ligj bizneset dhe qytetarët që të pajisen me certifikatat elektronike për çdo shërbim që ata marrin nga shteti, përfshirë aplikimet e thjeshta në e-albania", shprehet gazetari.

 





Lajmet e fundit nga