LEXO PA REKLAMA!

SHKARKO APP

Dashamir Shehi: E kemi bërë baltë, ca ‘drunj të shtrembër’ duhet të paguajnë

23 Nëntor 2022, 22:40, Aktualitet CNA
Dashamir Shehi: E kemi bërë baltë, ca ‘drunj të
Kreu i LZHK-së, Dashamir Shehi

Kreu i LZHK-së, Dashamir Shehi, ka folur për zhgënjimin e qytetarëve te Reforma në Drejtësi dhe tek institucionet e drejtësisë.

Shehi tha në “Now” me Erla Mëhillin se qytetarët po presin që të dënohen disa persona për atë që i është bërë ndër vite.

Ai deklaroi se tashmë është bërë baltë, pasi theksoi se rezultatet e drejtësisë kanë qenë relativisht të vogla.

“Drejtësia në një shtet nuk është vetëm drejtësia ligjore. Ka disa lloj drejtësish. Drejtësia e opinionit, material, ka 100 mijë drejtësi, por kjo është shkalla e fundit, superiore e të gjithë sistemeve të drejtësisë dhe ne që e kemi bërë baltë si gjithë pjesën tjetër të shtetit, kemi pritur që po ndodh me gjithë mend diçka. Se korrupsioni është aq i dukshëm, aq i madh, sa në qoftë se nuk kapen edhe tani, atëherë më fal po për çfarë po merremi? Kjo e ka bërë, pritshmëria e lartë dhe rezultatet relativisht të vogla kanë bërë që njerëzit të zhgënjehen”, u shpreh kreu i LZHK-së.

Shehi theksoi se njerëzit po presin që të paktën të vihen para përgjegjësisë disa ‘drunj të shtrembër’.

“Ne presim që kjo lloj drejtësie të bjerë disa gjëra. Ca ‘drunj të shtrembër’ të shkojnë të paguajnë një çmim për këtë që po ndodh sot. Kjo është e gjitha. Për sa kohë që nuk ka rezultate, niveli i sulmeve, i goditjes, i kritikës do jetë i lartë. Dhe në këtë mes do ketë edhe ekzagjerime, edhe fjalë të padrejta që jo të gjithë i meritojnë”, nënvizoi ai./ B.A. – CNA.al

Lajmet e fundit nga