web counter
LEXO PA REKLAMA!

SHKARKO APP

App Store
Google Play

E fundit!

x

Bojkoti i seancave gjyqësore/ Mesazhi i Haxhisë: Presim reflektim nga qeveria

14 Qershor 2022, 09:59, Aktualitet CNA
Bojkoti i seancave gjyqësore/ Mesazhi i Haxhisë: Presim reflektim nga
Avokati, Maksim Haxhia

Kreu i Dhomës së Avokatisë së Shqipërisë, Maksim Haxhia, ka deklaruar se bojkoti po funskion në të gjitha Gjykatat në vend.

"Të gjithë anëtarët e dhomës të Avokatisë janë këtu, ne ishim të bindur për këtë, po thjesht bëmë një inspektim dhe nuk ka asnjë avokat në Gjykata. Mund të rritet vetëgjyqësia me eleminimin e gjykatave. Çështjet që janë me afat dhe masat e sigurisë nuk do të jenë objekt i bojkotit", ka thënë Haxhia.

Në një intervistë për mediat, Haxhia është shprehur se pret që qeveria të reflektojë dhe të marrë në konsideratë kërkesat e tyre.

"Duheshin minimumi 3 apele, për 1 është e papërballueshme. Kallashët nuk i marrim dot kundër vendimit se jemi juristë, por kemi bindje të plotë që qeveria do t'i marrë në konsideratë se janë në të mirën e qeverisë dhe politikës", u shpreh avokati.

Gjithashtu, kreu i Dhomës së Avokatisë i është përgjigjur edhe ministrit të Drejtësisë, Ulsi Manja.

"Manja nuk ka qenë pjesë e vendimmarrjes është në fazën e dytë ku do t'ia përcjellë qeverisë dhe duke analizuar se kryesorja është e faturës financiare se këtu ka përgjegjësi qeveria dhe ne nuk jemi kundër qeverisë, por kundër vendimit që ka marrë KLGJ, qëllimi i dytë është që t'i transmetohen Manjës ato problematika nga pikëpamja juridike dhe sociale, është bërë vetëm që Gjykata e Sarandës do të jetë përsëri në Sarandë nuk do të jetë e aplikueshme në Gjykatën e shkallës së parë në Gjirokastër", ka thënë ndër të tjera Haxhia./ CNA.al





Lajmet e fundit nga