web counter
LEXO PA REKLAMA!

SHKARKO APP

App Store
Google Play

Berisha, sulm tjetër ndaj Dumanit: Bleu apartamentin me shumë simbolike, përgjegjës për vetingun

1 Qershor 2026, 10:50, Aktualitet CNA

Berisha, sulm tjetër ndaj Dumanit: Bleu apartamentin me shumë

Kryedemokrati Sali Berisha u është rikthyer këtë të hënë akuzave në drejtim të ish-kreut të Prokurorisë së Posaçme, Altin Dumani.

Në një deklaratë për mediat, Berisha u ndal tek apartamenti i Dumanit në vitin 2004, duke u shprehur se blerja e sipërfaqes së banimit u krye përmes një shume simbolike, ndryshe nga kosto reale, bazuar në çmimin e tregut.

 “Rikthehemi pak edhe te kryevetori, se ju e morët vesh që kur u ndërpre vetingu, Dumani u emërua si kryevetor i Shqipërisë. Ky kryevetor është një mashtrues i pafytyrë, i paskrupullt, pa dinjitet.

Ky kryevetor thotë se me datën 18.8.2006, bëri kontratë porosie, pra që do të ndërtohej në vitin 2006, në një godinë pallat pesëkatësh 127.14 metër katrorë me shumën simbolike 50 mijë euro.

Por në faqen 8 të aktmashtrimit të tij, Dumani deklaron se ka filluar të banojë në këtë apartament prej tetorit të vitit 2004. Pra, thotë kontratën për blerje apartamenti e kam bërë me 18.8.2006, thotë në apartament kam filluar të banoj prej tetorit të vitit 2004.

A mund ta zbërthejë kush këtë mashtrim ordiner dhe qëllimet e këtij mashtrimi vulgar? Dhe ky ka kryesuar institucionin kryesor të akuzës së vendit. Dhe ky është përgjegjës për vetingun e prokurorëve dhe gjykatësve.

Më thoni ju mua, ka ky njeri fytyrë, dinjitet, autoritet të kapë një dosje në dorë kur ndodhet para një mashtrimi të tillë që e nxjerr përnjëherësh jashtë nga shërbimi i tij?

Ky është vetingu i Dumanit, që ta dinë ata qindra gjykatës dhe prokurorë që janë larguar, ca me të drejtë, ca me të padrejtë, se ja kush e ka bërë vetingun e tyre.

Dhe thotë se ka blerë në vitin 2006 me 390 euro.

Ky person kërkon bashkë me këtë xhelatin e Sigurimit të Shtetit, Krajën, që ndërtimet e viteve ’70 të kohës së diktaturës të vlerësohen me çmimet e tregut të vitit 2026”,-tha Berisha./CNA





Lajmet e fundit nga