web counter
LEXO PA REKLAMA!

SHKARKO APP

App Store
Google Play

Arrihet dakordësi mbi subvencionin për naftën/ Transporti publik i rikthehet normalitetit

16 Prill 2026, 10:56, Aktualitet CNA

Arrihet dakordësi mbi subvencionin për naftën/ Transporti publik

Transporti publik do t’i rikthehet normalitetit. Sipas kryetarit të Shoqatës së Transportit Urban dhe Ndërqytetës, Dashnor Memajt, është arritur dakordësia mes ministrive dhe operatorëve të transportit publik për subvencionimin e naftës.

Ndërkohë bëhet me dije se vlera e subvencionimit do të përcaktohet në ditët në vijim. Memaj është shprehur për "Monitor" se javën e ardhshme do të zhvillohet një tjetër takim për të diskutuar kërkesat e tjera ekonomike, si TVSH, akcizë, kategoritë që udhëtojnë falas.

“Patëm një takim me ministren e Ekonomisë, ministrin e Infrastrukturës dhe kryetaren e bashkisë, u dakordësuam që transporti do të rikthehet në normalitet dhe do të ketë subvencion lekë për litër, por do të jetë në diskutime si vlerë. Nga sot do të vazhdojë transporti me kapacitet të plotë, se edhe operatorët duan ta ofrojnë shërbimin siç duhet për shkak të asaj që u pa këto dy ditë. Do të kemi dhe takim tjetër javën që vjen për të diskutuar kërkesat e tjera ekonomike, si TVSH, akcizë, kategoritë që udhëtojnë falas”, tha Memaj.

Kujtojmë se ditën e djeshme dhe mëngjesin e sotëm u zhvillua një situatë e rënduar në transportin publik të kryeqytetit, për shkak se një pjesë e konsiderueshme e autobusëve urbanë nuk kanë dalë sot në qarkullim. Operatorët reduktuan shërbimin me rreth 40%, duke argumentuar se kostot e rritura, sidomos për karburantin, janë bërë të papërballueshme. /CNA





Lajmet e fundit nga