web counter
LEXO PA REKLAMA!

SHKARKO APP

App Store
Google Play

E fundit!

x

Adriana Kalaja: Ka fakte të reja dhe prova inkriminuese që lidhen me gjykatësen Irena Gjoka

26 Janar 2026, 20:14, Aktualitet CNA

Adriana Kalaja: Ka fakte të reja dhe prova inkriminuese që lidhen me

Avokatja, Adriana Kalaja ka folur mbrëmjen e sotme lidhur me përfundimin e verifikimeve për gjykatësen e posaçme, Irena Gjoka.

Në një lidhje me Syri Tv, Kalaja u shpreh se ka fakte të reja dhe prova të rënda inkriminuese që lidhen me gjyqtare. Ajo ka theksuar se sipas ligjeve një magjistrat ka dënim penal, nuk mund të jetë pjesë e sistemit.

“Jo vetëm ka fakte të reja, po ka prova të rënda inkriminuese që lidhen me këtë gjyqtare dhe shqetësimi im, po besoj i gjithë njerëzve brenda apo jashtë Partisë Demokratike, avokatëve të ndryshëm, prokurorëve të ndryshëm, gjyqtarëve të tjerë, ata që respektojnë shtetin ligjor të së drejtës, nuk e kanë problemin me Irenën me tre mbiemra, por me figurën dhe fenomenin që përfaqëson Irena me tre mbiemra.

Pra, ne jemi sot në momentin kur edhe Prokuroria e Përgjithshme mbylli hetimet lidhur me kërkesën që kishim bërë në raport me pastërtinë e figurës së kësaj gjyqtareje, ku në mënyrë konkrete ne kishim kërkuar hetimin në lidhje me një dënim penal, hetimin në lidhje me dy ekspulse të dhëna në shtetin grek. Hetimin në lidhje me mënyrën se si lindi në shtetin italian djalin, ndërkohë që ishte me një dënim 10 vjeçar të ndalimit të hyrjes në vendet Schengen.

Megjithëse ky hetim zgjati jashtë mase, pra përtej gjithë afateve që parashikonte ligji, ka filluar në prill të 2024-ës dhe siç u bë publike nga media, fatkeqësisht në fakt, unë si iniciatore e asaj pune nuk jam vënë në dijeni nga Prokuroria e Përgjithshme, rezultoi se përpos dokumentit të ardhur në shtator të 2025-ës, vërtetohej fakti i autenticitetit të vendimit, pra. Ne e kemi trajtuar.

E kemi trajtuar disa herë dhe ballë përballë me këtë, ne kemi marrë të gjithë përgjigje refuzuese nga gjyqtarja me tre mbiemra, pra që pretendonte që nuk ishte ndaluar kurrë në kufi, që nuk kishte marrë kurrë ekspulse apo dëbim dhe mbi të gjitha ndaj saj nuk ishte dhënë asnjëherë vendim penal nga shteti grek.

Madje refuzimi për deklarim që përbën vepër penale më vete. Pra, ne sot nuk ngremë pretendimin sepse shumë shqiptarë mund të kenë patur probleme me vizat, me ndalimin, por ligji për organizimin dhe funksionimin e strukturës së posaçme, pra është ligji 95 i vitit 2016, por dhe ligji 96 për statusin e magjistratëve, e parashikojnë në mënyrë eksplicite që nëse një gjyqtar, një magjistrat ka një dënim penal, nuk mund të jetë pjesë e sistemit”, u shpreh Kalaja. /CNA





Lajmet e fundit nga