web counter
LEXO PA REKLAMA!

SHKARKO APP

App Store
Google Play

E fundit!

x

80 vjet nga vrasja pa gjyq e veterinerit Allamani/ Djali i tij, mesazh prekës

17 Nëntor 2024, 14:40, Aktualitet CNA
80 vjet nga vrasja pa gjyq e veterinerit Allamani/ Djali i tij, mesazh
Allaman Allamani

Veterineri i diplomuar në Firence, Isuf Allamani, është një nga viktimat e regjimit komunist në Shqipëri.

Isuf Allamani kishte krijuar një familje të tijën, pasi njohu në Itali bashkëshorten Fiorentine Leonella, me të cilën ka edhe një djalë, Allamanin.

Por në nëntor 1944, kur veterineri erdhi në Shqipëri pas diplomimit, u pushkatua pa gjyq nga forcat komuniste në periferi të Tiranës.

80 vjet nga vrasja pa gjyq e veterinerit Allamani/ Djali i tij, mesazh

Një vit më pas, Leonella me të birin u larguan për në Itali.

Në 80-vjetorin e vrasjes së babait të tij, Allaman Allamani ka dhënë një mesazh prekës, ku bën thirrje për paqe.

“Nëntori është një muaj i dhimbshëm. Shqipëria, në veçanti, kujton shumë njerëzve të vrarë nga diktatura. Ishte dhe mbetet dhimbje e madhe. Mes njerëzve që vuajtën nga vrasja e babait tim Isufit, qe nëna ime Fiorentine Leonella. Pasi u arratis me mua shumë i vogël, foshnjë në Itali, ajo e mbajti në mendje dhe në zemër kujtimin e tim eti. Më pas u largua nga kjo botë shumë e hidhëruar për shkak se nuk e pa kurrë bashkëshortin e saj për 46 vjet. Edhe për mua nëntori është muaj dhimbjesh, i ftohtë, i errët, sepse babain tim nuk e njoha kurrë.

80 vjet nga vrasja pa gjyq e veterinerit Allamani/ Djali i tij, mesazh

Por kjo është jeta dhe historia.

Pas tij vdiq edhe personi që e vrau; edhe qeveria, edhe regjimi që e mbështeti atë vrasës kanë vdekur. Tani çfarë ka mbetur? Ajo që mbetet është kujtimi dhe mësimi që na lanë baballarët tanë dhe babai im dhe ne pas tyre përpiqemi t'ua përcjellim brezave që vijnë pas nesh. Le të përpiqemi të sjellim paqe dhe të jetojmë në falje, falje për të gjithë ata që i janë dorëzuar arrogancës, frikës, urrejtjes në atë kohë dhe në kohën tonë", thuhet në mesazhin e Allamanit./ CNA

80 vjet nga vrasja pa gjyq e veterinerit Allamani/ Djali i tij, mesazh
Konaku i odës së burrave të kullës që po rrënohet nga dita në ditë




Lajmet e fundit nga