E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Hyn e del nëpër ambasada”/ Stefanllari nxjerr zbuluar Tabakun, “pse”-të që ngrenë dyshimet

16 Nëntor 2024, 17:03, Aktualitet Mariela Stefanllari

“Hyn e del nëpër ambasada”/ Stefanllari nxjerr zbuluar

Pas një bisede të gjatë me një diplomat të huaj që ka qenë edhe në Shqipëri, konfirmova ato që dija deri diku, lidhur dhe proçedurat e mbajtjes së raporteve protokollare informative në ambasada, raporte që burojnë nga biseda, komunikime, kontakte verbale me nënshtetas të vendit ku trupi diplomatik operon, por në veçanti për kontakte dhe komunikime të kryera me politikanë, deputetë dhe zyrtarë të lartë të shtetit.

Çdo bisedë e bërë tet-a-tet, apo në prezencën e një tjetri, diplomati e zbardh në një raport proçesverbal takimi.

Diplomati zbardh bisedën nga audio, nëse e ka regjistruar, ose memorialisht menjëherë pas mbylljes së takimit, ose në bazë të disa shënimeve që ka mbajtur përgjatë takimit.

Zbardhja e bisedave me zyrtarë të lartë është e detyrueshme, si dhe kërkohet e detajuar nga shteti i diplomatit sidomos kur takimi bëhet me zyrtarë të lartë në kohë krizash, apo tensionesh politike, apo edhe konfliktesh brenda vendit, apo mes dy shteteve.

Deputetja shqiptare në foto, ka qenë pafundësisht herë në ambjentet e ambasadave të Amerikës, Britanisë, BE-së dhe në të tjera (shtete fqinjë) dhe bisedat e saj, edhe pse për të ndoshta, në dukje private, për diplomatin e huaj nuk janë private, janë zyrtare dhe shtetërore dhe vetëm të tilla.

Pas çdo takimi që deputetja ka kryer, në ambasadat ku ka bërë takimet, pas çdo takimi ka një raport të shkruar mbi përmbajtjen e bisedës, të fjalëve që ka thënë, raport i kryediplomatit, apo edhe të tjerëve, që i kanë shkuar Ministrisë së Jashtme të atij vendi.

Pra, deputetja në foto dhe kushdo tjetër që ka hyrë e dalë në ambasada dhe ka folur dhe është shprehur për çështje dhe persona, ka lënë gjurmë në një dokument raport të shkruar të përfaqësisë diplomatike.

Kjo për të kuptuar se ato që kanë thënë, janë të shkruara, ka gjurmë, datë, orë, përmbajtje.

Dhe ku dihet që disa të qarkullojnë në duar zyrtarësh, gazetarësh etj.

Kjo zonja, por edhe të tjerë nga bashallëku, duhet të na thonë:

1. Çfarë kanë thënë në ambasadat e huaja për Rithemelimin?

2. Çfarë kanë thënë për Berishën dhe si e kanë cilësuar atë?

3. Kanë marrë urdhëra, porosi apo direktiva për zbatim nga ambasadat e huaja, apo qarqe të tjera?

4. Kanë qenë pjesë e planeve dhe kooperimeve të nëndheshme me partinë në pushtet, për zhdukjen e Berishës nga politika shqiptare?

Dhe një seri pyetjesh të tjera, por që nuk është momenti këtu, as vendi.

Informacione nga diplomatë të huaj, informacione të sakta, thonë se J.T. është shprehur për Sali Berishën me cilësime negative, është pozicionuar në biseda me diplomatë kundër tij, pro largimit të tij nga politika dhe PD, e shumë të tjera lidhur me të dhe të tjerë rreth tij.

Jo vetëm kaq, J.T. ka qenë shumë pro vendimit të Blinken për ta shpallur Berishën non grata, si një formë për ta hequr qafe, teksa e dinte potencën e tij në PD edhe ajo, por edhe Lulzim Basha, e teksa dinin edhe paaftësinë e tyre, për ta larguar.

Sa më sipër dhe shumë e shumë të tjera, janë në raporte të shkruara nga ambasadat dhe të përcjella shteteve të tyre.

Për të qenë tani të kthjellët dhe racionalë, ngrehim disa pyetje lidhur me "pse"-në e kthimit të J.T. në PD, me kryetar Sali Berishën, non grata-n:

1. U kthye sepse mbeti si peshku pa ujë politikisht, nga paaftësia e saj, e Bashës dhe e bashallëkut?

2. U kthye sepse e thirri ai që "me babin e Zenit" kryetar të PD, do largohej përfundimisht nga politika, për ta patur krah?

3. U kthyen për të siguruar një vend deputeti në zgjedhjet e 2025?

4. U kthyen sepse kanë ndërmarrë së bashku ndonjë mision të errët?

Dhe pyetja kardinale:

Si mund të kthehesh në një parti, për kryetarin e së cilës, me zë dhe figurë, me raporte dhe fakte, brenda dhe jashtë vendit, me shqiptarë dhe të huaj, ke thënë 1001 të zeza?

Sigurisht kjo është çështje mungese karakteri.

Dhe kur të mungon karakteri, je e aftë të ndërmarrësh çdo lloj misioni që të ngarkohet, kundrejt pagesës, kundrejt postit, për të shkatërruar partinë që 20 vite të mëkon me pozicione të larta zyrtare dhe miliona të ardhura, që burojnë prej tyre.

Ikni, largohuni nga PD se na kallët krupën, na neveritët vendin, demoralizuat opozitën dhe e shkatërruat atë, o kërma, prostituta politike!/ CNA