“Alienët mund të ekzistojnë”/ Ja çfarë thotë profesori Brian Cox

23 Maj 2022, 13:12, Kuriozitete CNA
“Alienët mund të ekzistojnë”/ Ja çfarë

Alienët me të vërtetë mund të ekzistojnë, por jo në galaktikën tonë, sipas profesorit Brian Cox.

Shkencëtari u pyet në lidhje me komentet e kongresmenit amerikan Andre Carson javën e kaluar se UFO-t janë ‘një kërcënim potencial për sigurinë kombëtare’ të cilat janë ‘reale’ dhe ‘duhet të hetohen’.

Profesor Cox tha se qeniet inteligjente mund të ishin atje, por që qytetërime si yni do të ishin ‘jashtëzakonisht të rralla’, ndoshta ‘mesatarisht një për galaktikë’. Në një intervistë për programin e mëngjesit të së dielës në "BBC", Cox u shpreh: “Ka dy trilion galaktika në universin e vëzhgueshëm, jam i sigurt se ka të tjera atje”.

Cox shtoi: “Duket sikur kemi prova se jeta ishte e pranishme 3.8 miliardë vjet më parë, dhe qytetërimi i parë që u shfaq në Tokë ishte tani.

Pra, u desh pjesa më e mirë e katër miliardë viteve për të shkuar nga origjina e jetës në Tokë në një qytetërim.

Profesor Cox tha se ndërsa mikrobet në planete të tjera mund të jenë të zakonshëm, qytetërimet janë shumë më të rralla.

Nëse njerëzit banojnë të vetmen botë në një galaktikë prej 400 miliardë diejsh, kjo na jep përgjegjësi për sa i përket ndryshimit të klimës, shtoi profesori Cox.

Duke komentuar, Monica Grady, profesore e shkencave planetare dhe hapësinore, tha: ‘Galaktika jonë është kaq e gjerë, me kaq shumë lloje të ndryshme yjesh, me planete që rrotullohen rreth tyre, është statistikisht e mundur që jeta të ketë lindur në një planet tjetër./ CNA.al

Lajmet e fundit nga