web counter
LEXO PA REKLAMA!

SHKARKO APP

App Store
Google Play

E fundit!

x

"Lia e majmunit"/ Bota, në alarm    

22 Maj 2022, 10:10, Lifestyle CNA

Në këto ditë kur ende nuk e kemi  kaluar plotësisht epideminë e COVID-19, bota po përballet me një epidemi të re.

“Lia e majmunit”, kjo është sëmundja misterioze infektive që po tremb botën. Ky virus ekziston intensivisht në vendet e Afrikës Perëndimore, por që nga fillimi i muajit maj është parë dhe në kontinente të ndryshme.

Ndaj, dhe është e pamundur që të mos pyesim  dhe  të merakosemi se mos jemi përballë një  tjetër epidemie globale.

Në Shqipëri zyrtarisht nuk raportohet asnjë rast i infektuar nga ?linë e majmunit?.

“Lia e majmunit” është një sëmundje tropikale që u shfaq për herë të parë në pyjet tropikale të Afrikës Qendrore dhe Perëndimore.

Sëmundja u zbulua në vitin 1958, ndërsa rasti i parë i “lisë së majmunit” te një njeri u regjistrua në vitin 1970 në Republikën Demokratike të Kongos. Edhe pse kohët e fundit ka pasur një rritje të numrit të rasteve, virusi zakonisht është shumë i rrallë.

Simptomat e para të “lisë së majmunit” janë ethe, dhimbje koke, dhimbje muskujsh, dhimbje shpine, ënjtje të nyjeve limfatike, të dridhura dhe lodhje.  Përveç kësaj, në fazat e  avancuara të sëmundjes, në disa raste haset edhe ?skuqja e lëkurës?. Por të mos harrojmë se ?periudha e inkubacionit? të sëmundjes varion ndërmjet 6-13 ditë.

Përveçse nga kontakti me kafshë të infektuara, kjo sëmundje mund të  hyjë në trup përmes lëkurës  së  thyer, traktit respirator ose përmes syve, hundës apo dhe gojës.

Nuk ka një trajtim efikas për “linë e majmunëve”, ndaj dhe metoda më efektive është  parandalimi i përhapjes së infeksionit.

Nuk ka asnjë vaksinë efektive posaçërisht kundër “lisë së majmunëve”, por është vërtetuar se vaksinimi  kundër lisë është 85% efektiv në parandalimin e “lisë së majmunëve”.

Përveç kësaj, mund të përdoren edhe disa barna antivirale, edhe nëse nuk ofrojnë një trajtim përfundimtar. Infeksioni zakonisht largohet vetë dhe zgjat nga 14 deri në 21 ditë.

Pas shtimit të rasteve në vende të ndryshme është vënë në lëvizje dhe Organizata e Kombeve të Bashkuara, e cila ka nisur punën për udhëzime të reja  në  lidhje me këtë sëmundje./CNA.al





Lajmet e fundit nga