LEXO PA REKLAMA!

SHKARKO APP

Ekzekutimi i 48-vjeçarit në Sukth/ Zbardhen detaje, flasin dëshmitarët

19 Maj 2022, 08:38, Kronika CNA
Ekzekutimi i 48-vjeçarit në Sukth/ Zbardhen detaje, flasin

Detaje të reja kanë dalë në dritë rreth ekzekutimit të 48-vjeçarit, Arben Mërkuri, në Sukth të Durrësit.

Sipas asaj që raportohet në media, janë shoqëruar në polici 20 persona. Ndër të tjera raportohet se kamerat e sigurisë kanë fiksuar 2 persona si autorë, por që ende nuk janë identifikuar.

Ndërkohë, dëshmitarët kanë dhënë të tjera detaje në lidhje me autorët.

Sipas tyre, kanë dëgjuar zhurmën kur një automjet ka mbërritur me shpejtësi në vendin ku ndodhi vrasja, të shtënat me armë si edhe përplasje të dyerve të makinave, që po sipas tyre mjeti Benz tip GLE ngjyrë gri u largua me shpejtësi nga vendi i ngjarjes.

Viktima ishte një emër i njohur për policinë dhe dyshohej si person i përfshirë në krime kundër personit, për vrasje me pagesë, por nuk ka asgjë të dokumentuar.

48-vjeçari ka qenë gjithashtu një nga personat e dyshuar që ka marrë pjesë në ekzekutimin e 4 viteve më parë të Ervin Dalipajt dhe Juxhin Dautajt.

Ndërkohë, Arben Mërkuri ka qenë i arrestuar në vitin 2016 nga policia, pasi së bashku me dy persona të tjerë dyshohet se dhunuan biznesmenin libanez Faadi Mitri.

Gjithashtu, Mërkuri njihet si miku i ngushtë i Landi Muharremit ose i njohur ndryshe si ?Rrumi i Shijakut?, i cili dyshohet se ka qenë në makinë me prokurorin Arjan Ndoji, ditën që iu bë atentat, ku mbeti i vrarë shoferi i tij./ CNA.al

Lajmet e fundit nga